বালিপাৰা ফাউণ্ডেচনে বন বিভাগ, অসম চৰকাৰ, কাজিৰঙা ৰাষ্ট্ৰীয় উদ্যান আৰু বন্যপ্ৰাণী সংৰক্ষণ ন্যাসৰ সহযোগত ২৭-২৮ জুনত বিশ্বনাথ চাৰিআলিৰ ৰাজ্যিক পঞ্চায়ত আৰু গ্ৰামোন্নয়ন প্ৰতিষ্ঠানত দুদিনীয়াকৈ আঞ্চলিক অসম পূব হিমালয়ান প্ৰকৃতি বিজ্ঞান শীৰ্ষক এক অনুষ্ঠান আয়োজন কৰে৷ উক্ত অনুষ্ঠানত অসমৰ প্ৰাকৃতিক সম্পত্তিৰ সুৰক্ষা বিষয় লৈ সংৰক্ষিত এলেকাত বন ৰেঞ্জাৰ আৰু গাৰ্ডৰ অন্তৰ্দৃষ্টি শীৰ্ষক দিশটোত গুৰুত্ব আৰোপ কৰা হয়৷
বালিপাৰা ফাউণ্ডেচনে বনকৰ্মী, প্ৰহৰী আৰু বনৰক্ষীসকলক জলবায়ুৰ প্ৰত্যাহ৩ানৰ মাজত জৈৱ বৈচিত্ৰ সুৰক্ষা আৰু সংৰক্ষণৰ ক্ষেত্ৰত তেওঁলোকৰ ক্ষেত্ৰ অভিজ্ঞতা আৰু অৱদানসমূহ ভাগ-বতৰা কৰাৰ বাবে এক মঞ্চ প্ৰদান কৰে৷ অনুষ্ঠানত বনত থকা ফ্ৰণ্টলাইন কৰ্মীসকলে কেনেকৈ প্ৰত্যাহ৩ানসমূহক উদ্ভাৱনীমূলক সমাধানলৈ ৰূপান্তৰিত কৰে আৰু সংঘাতসমূহ নিপুণভাৱে পৰিচালনা কৰে সেয়া প্ৰদৰ্শন কৰা হৈছিল৷ তেওঁলোকে জলবায়ু সম্পৰ্কীয় প্ৰত্যাহ৩ানসমূহৰ ব্যৱহাৰিক সমাধান আৰু ক্ষেত্ৰখনৰ জটিল পৰিস্থিতিত তেওঁলোকে কেনেকৈ মোকামিলা কৰে সেই বিষয়েও আলোচনা কৰে৷ এই প্ৰক্ৰিয়াত তেওঁলোকে প্ৰায়ে অসমৰ চহকী প্ৰজাতিৰ বৈচিত্ৰৰ প্ৰতি মোহিত হৈ পৰে৷ তেওঁলোকৰ কাহিনীবোৰে পৰিৱেশৰ সৈতে তেওঁলোকৰ গভীৰ সংযোগ আৰু ইয়াক সুৰক্ষিত কৰাৰ প্ৰতি তেওঁলোকৰ অটল দায়বদ্ধতাক আলোকপাত কৰিছিল৷ মঞ্চখনে তেওঁলোকৰ সাফল্যক উদযাপন কৰাই নহয়, প্ৰতিকূলতাৰ সন্মুখীন হৈ জৈৱ বৈচিত্ৰ সংৰক্ষণৰ ব্যৱহাৰিক দিশসমূহৰ বিষয়েও মূল্যৱান তথ্য প্ৰদান কৰে৷ উল্লেখ্য যে বনকৰ্মী আৰু প্ৰহৰীসকল যিহেতু প্ৰায়ে জৰুৰীকালীন অৱস্থাত সন্মুখত থাকে, সেয়েহে তেওঁলোকৰ প্ৰত্যাহ৩ানসমূহ বুজি পোৱাটো অতি গুৰুত্বপূৰ্ণ৷ প্ৰাথমিক চিকিৎসাৰ কিটৰ ব্যৱহাৰ, চিপিআৰৰ দ্বাৰা জৰুৰীকালীন পৰিস্থিতি কেনেকৈ চম্ভালিব পাৰি, হাৰ্ট এটেক, আক্ৰমণ, আঘাত আদিৰ দৰে ঘটনাৰ প্ৰতি কেনেদৰে সঁহাৰি জনাব পাৰি সেই বিষয়ে তেওঁলোকক মৌলিক প্ৰশিক্ষণ দিয়াটো অতি প্ৰয়োজনীয়৷
ফ্ৰণ্টলাইন বন কৰ্মচাৰীসকলক প্ৰয়োজনীয় জ্ঞান আৰু দক্ষতা প্ৰদান কৰিবলৈ যাতে তেওঁলোকে জৰুৰীকালীন অৱস্থাৰ প্ৰতি ফলপ্ৰসূভাৱে সঁহাৰি জনাব পাৰে, বন্যপ্ৰাণী সংৰক্ষণ ট্ৰাষ্টে আঘাত ব্যৱস্থাপনা কৌশলৰ ওপৰত এক প্ৰশিক্ষণ কাৰ্যসূচী চলাইছিল৷ ডব্লিউ চি টিৰ পৰা জ্যেষ্ঠ স্বাস্থ্য বিষয়া ডাঃ বিজয় টেটে বিভিন্ন জৰুৰীকালীন পৰিস্থিতিৰ সৈতে প্ৰশিক্ষণটোক সম্বোধন কৰে৷ পশু বা মানুহৰ আক্ৰমণৰ ফলত হোৱা আঘাত, বাহনৰ আঘাত, উচ্ছতাৰ পৰা পৰি যোৱা, সাপ-বিচ্ছুৰ কামোৰা, জ্বলা-পোৰা আৰু গৰম-ষ্ট্ৰোক আদিৰ লগতে উচ্ছ গ্ৰেডৰ জ্বৰ, মৃগীৰোগৰ আক্ৰমণ আৰু অন্যান্য চিকিৎসাজনিত অৱস্থাৰ যথোচিত ব্যৱস্থা আৰু প্ৰতিকাৰক লৈ আলোচনা কৰা হয়৷
অনুষ্ঠানটোৰ সম্পৰ্কত বালিপাৰা ফাউণ্ডেশ্যনৰ মুখ্য যোগাযোগকাৰী বিষয়া কৰিশ্মা আহমেদে কয় যে বন ৰক্ষা কৰা ফ্ৰণ্টলাইনাৰৰ সামৰ্থ আৰু দক্ষতা গঠনৰ জ্ঞান গঢ়ি তোলাৰ বাবে প্ৰকৃতি তথা দৃষ্টিভংগী ৰক্ষাৰ ক্ষেত্ৰত সহযোগিতা, নিৰন্তৰ শিক্ষণ আৰু সামথ্য বিকাশৰ ভূমিকাক আলোকপাত কৰা হয়৷ উল্লেখ্য যে ২০০৭ চনত আৰম্ভ হোৱা বালিপাৰা ফাউণ্ডেচনে গ্ৰাম্য জনগোষ্ঠীৰ সৈতে কাম কৰি বনাঞ্চল পুনৰুদ্ধাৰ, দৰিদ্ৰতা নিৰ্মুল আৰু সংৰক্ষণৰ সৈতে জড়িত অৰ্থনৈতিক সুযোগ সৃষ্টি কৰাত মুখ্য ভূমিকা লৈছে৷ ইয়াৰ শাখাৰ অধীনত, পূৱ হিমালয়ান প্ৰকৃতি বিজ্ঞান মঞ্চৰ অধীনত বন সুৰক্ষা আৰু পৰিৱেশ তন্ত্ৰৰ মংগলৰ বাবে দক্ষতা আৰু সামৰথ্য বৃদ্ধিৰ বাবে মানুহক একত্ৰিত কৰে৷
