নগাঁও জিলাৰ বটদ্ৰৱা সমীপৱৰ্তী ৰাইডঙীয়াৰ ছাত্ৰ টিৰুত কুমাৰ বৰাই ইণ্টাৰনেশ্যনেল বুক অফ ৰেকৰ্ডছত নিজৰ নাম সন্নিবিষ্ট কৰিবলৈ সক্ষম হৈছে। জুলীয়া চকলেটে প্ৰতিকৃত অংকণ কৰি এই সফলতা অৰ্জন কৰে টিৰুত কুমাৰ বৰাই। ছাত্ৰজনৰ এই সফলতাই গৌৰাম্বিত কৰিছে সমগ্ৰ অঞ্চলবাসীক। সৰুৰে পৰা ছবি আঁকি ভালপোৱা টিৰুতে প্ৰথমতে পৰীক্ষামূলক ভাৱে জুলীয়া চকলেটেৰে সুভাষ চন্দ্ৰ বসুৰ এখন প্ৰতিকৃতি অংকণ কৰিছিল। পৰবৰ্তী সময়ত ড০ ভূপেন হাজৰিকা, ড০ বি আৰ আম্বেদকাৰ, ড০ এ পি জে আব্দুল কালাম আৰু সুভাষ চন্দ্ৰ বসু এই চাৰিজন মনিষীৰ ছবি অংকন কৰি ইণ্টাৰ নেচনেল বুক অফ ৰেকৰ্ডছ লৈ প্ৰেৰণ কৰে। টিৰুত কুমাৰ বৰাৰ এই ব্যতিক্ৰমী ছবিৰ বাবে তেঁওক ইণ্টাৰনেশ্যনেল বুক অফ ৰেকৰ্ডছত তেওঁৰ নাম সন্নিবিষ্ট কৰি তেওঁলৈ মেডেল আৰু প্ৰমাণপত্ৰ প্ৰেৰণ কৰে।
