জামিন লাভ কৰিলে অমৃতপ্ৰভা মহন্তই। ৫০ হাজাৰ টকাৰ বণ্ডত জামিন লাভ কৰিছে অমৃতপ্ৰভাই। অৱশ্যে জামিন লাভ কৰিলেও আজিয়েই মুকলি আকাশৰ তললৈ আহিব নোৱাৰিব অমৃতপ্ৰভা মহন্ত।
অহা সোমবাৰেহে ফাষ্ট ট্ৰেক আদালতত জমা দিব লাগিব জামিন বণ্ড। ইয়াৰ বাবে প্ৰয়োজন হ’ব দুজন জামিনদাৰৰ। আদালতত যাৱতীয় নথি-পত্ৰ আৰু জামিনৰ প্ৰক্ৰিয়া সম্পূৰ্ণ হোৱাৰ পিছতহে কাৰাগাৰৰ পৰা মুক্তি লাভ কৰিব পাৰিব অমৃতপ্ৰভাই। সেই অনুসৰি আজিৰ পৰা অহা সোমবাৰলৈকে হাফলং কাৰাগাৰতে থাকিব লাগিব অমৃতপ্ৰভা মহন্ত। আনহাতে, জামিন লাভ কৰিলেও ফাষ্ট ট্ৰেক আদালতত দৈনিক শুনানিত উপস্থিত থাকিব লাগিব তেওঁ। উল্লেখ্য যে, ২০২৫ চনৰ ১৫ অক্টোবৰৰ পৰা কাৰাগাৰত বন্দী হৈ আছে অমৃতপ্ৰভা মহন্ত।
