গুৰুজনাৰ জন্মস্থান দৰ্শন কৰি উভতি অহাৰ সময়তে দুৰ্ঘটনা

ভয়ংকৰ পথ দুৰ্ঘটনাত শিশু সহ চাৰিজনকৈ যাত্ৰী গুৰুতৰভাবে আহত হৈছে। নগাঁও জিলাৰ বটদ্ৰৱাত সংঘটিত হৈছে এই ঘটনা। শিশুসহ চাৰিজনকৈ যাত্ৰী গুৰুতৰভাবে আহত হৈছে, ইয়াৰে এজনৰ অৱস্থা সংকটজনক। গুৰুজনাৰ জন্মস্থান বটদ্ৰৱা থান দৰ্শন কৰি উভতি অহাৰ সময়তে বটদ্ৰৱা শংকৰদেৱ গৱেষণা প্ৰতিষ্ঠানৰ সন্মুখত সংঘটিত হয় এই পথ দুৰ্ঘটনা । এখন AS03M007 নম্বৰৰ এক্স ইউ ভি 500 আৰু AS02W6175 নম্বৰৰ এখন ৰেডিগো মাজত সংঘটিত হয় এই দুৰ্ঘটনা। দুৰ্ঘটনাৰ ফলত ডাটচান ৰেডিগোত থকা শিশুসহ চাৰিজন আৰোহী গুৰুতৰভাবে আহত হয়। এক্স ইউ ভি বাহনখনৰ যাত্ৰীসকলে বটদ্ৰৱা সত্ৰ দৰ্শন কৰি উভতাৰ পথত ডাটচান ৰেডিগোৰ যাত্ৰীয়ে থান দর্শনত যোৱাৰ সময়ত দুৰ্ঘটনাটো সংঘটিত হয়। ঘটনাস্থলীত বটদ্ৰৱা আৰক্ষী উপস্থিত হৈ আহতকেইজনক বটদ্ৰৱা প্ৰাথমিক চিকিৎসালয়ত ভৰ্তি কৰে ।