অসমৰ শিক্ষা ব্যৱস্থাত ৪ ভাষাৰ অন্তৰ্ভুক্তিক লৈ অসন্তুষ্টি প্ৰকাশ কৰিছে নিখিল বড়ো ছাত্ৰ সন্থাই। ইয়াৰ ফলত ৰাজ্যৰ শিক্ষাৰ্থীসকল যথেষ্ট অসুবিধাৰ সন্মুখীন হ’ব বুলি অভিযোগ কৰিছে ছাত্ৰ সংগঠনটোৱে। এক সংবাদমেলযোগে এবছুৰ সভাপতি দ্বীপেন বড়ো আৰু সাধাৰণ সম্পাদক খনীন্দ্ৰ বসুমতাৰীয়ে কয় যে বড়ো ভাষাক অন্তৰ্ভুক্ত নকৰাত পিজি টেটত বড়ো মাধ্যমৰ ছাত্ৰ-ছাত্ৰীসকলে অৱতীৰ্ণ হ’ব নোৱাৰিব।
অসম আৰক্ষীৰ নিযুক্তি পৰীক্ষাতো বড়ো মাধ্যমক অন্তৰ্ভুক্ত কৰিবলৈ দাবী জনাইছে ছাত্ৰ সংগঠনটোৱে। ন্যায়িক সেৱাৰ পৰীক্ষাতো অসমীয়াৰ লগতে বড়ো ভাষাক অন্তৰ্ভুক্ত কৰিবলৈ এবছুৱে দাবী জনায়।
