শক্তি বিভাগৰ অবিবেচক কাণ্ডৰ বাবে মৃত্যুক সাৱটিলে এজন যুৱকে!

1121

শক্তি বিভাগৰ অবিবেচক কাণ্ডৰ বাবে মাতৃ পত্নীক অথাই সাগৰত পেলাই চিৰ বিদায় ল’লে ভগামুখৰ ভিতৰুৱালৰ ভাস্কৰ বৰাই। ভগামুখ আৰক্ষী থানাৰ অন্তৰ্গত ভিতৰুৱালৰ ভাস্কৰ বৰাৰ মাতৃ আৰু পত্নীৰ সৈতে আছিল এখন সুখৰ সংসাৰ। কিন্তু নিয়তিৰ কি নিষ্ঠুৰ পৰিহাৰ পদূলিমুখতে উচ্চ ক্ষমতাসম্পন্ন বিদ্যুতৰ তাঁৰত লাগি আজি বিয়লি মৃত্যুক সাৱটিলে ভাস্কৰে। অথাই সাগৰত পেলাই থৈ গ’ল মাতৃ আৰু নৱ বিবাহিতা পত্নীক।

পদূলিমুখতে উচ্চ ক্ষমতাসম্পন্ন বিদ্যুত তাৰত লাগি মৃত্যুক সাৱটিলে ভাস্কৰে। নতুনকৈ সংসাৰ পতা ভাস্কৰে পদুলিমুখতে এখন দোকান খুলিবলৈ যো-জা কৰিছিল। বিয়লি বনুৱাৰে সৈতে কাম কৰি থকা অৱস্থাতে ওপৰতে থকা বিদ্যুৎপৰিবাহী তাঁৰত লাগি যায় ৰ’ড। আকস্মিকভাৱে হৈ যোৱা এই ঘটনাত শুৱাদুৱা লাগে অঞ্চলটোত। ততাতৈয়াকৈ ভাস্কৰক চিকিৎসালয়লৈ নিয়া হয় যদিও আধা বাটতে মৃত্যুক আকোৱালি লয় চফল যুৱকজনে।

ইফালে এই সমগ্ৰ ঘটনাৰ ক্ষেত্ৰত গাওঁ বাসীয়ে জগৰীয়া কৰিব বিচাৰে গৌৰীসাগৰ বিদ্যুৎ উপসংমণ্ডলক লগতে প্ৰশাসনক দাবী জনাইছে ভাস্কৰৰ মৃত্যুৰ সম্পৰ্কে এক ন্যায়িক তদন্ত হ’ব লাগে আৰু অনতিপলমে উচ্চ ক্ষমতাসম্পন্ন বিদ্যুৎ পৰিবাহী তাঁৰ উক্ত স্থানৰ পৰা স্থানান্তৰিত হ’ব লাগে।

যোৰাবাটত শিক্ষাৰ্থী কঢ়িওৱা বাহন দুৰ্ঘটনাগ্ৰস্ত

ৰাজ্যসভাৰ দুখন আসনৰ বাবে নিৰ্বাচন, কোনে মাৰিব শেষ হাঁহি?