অসম-অৰুণাচল সীমান্তৰ টিংকুপানীত সেনা-আৰক্ষীৰ অভিযান। আছাম ৰাইফলছ আৰু অসম আৰক্ষীৰ যুটীয়া অভিযানত গ্ৰেপ্তাৰ আলফা (স্বা)ৰ কেডাৰ সমীৰণ সোণোৱাল ওৰফে যাদৱ অসম। টিংকুপানী সংৰক্ষিত বনাঞ্চলৰ দলঙৰ সমীপৰ পৰা গ্ৰেপ্তাৰ যাদৱ অসমক। ২০২০ চনত সমীৰণ সোণোৱালে যোগদান কৰিছিল আলফা স্বাধীনত। ধৃত আলফা স্বাধীনৰ কেডাৰজনৰ পৰা এটা বিদেশত নিৰ্মিত পিষ্টল, মেগজিন আৰু সজীৱ গুলী উদ্ধাৰ কৰা হৈছে। যাদৱ অসমৰ পৰা বহু আপত্তিজনক নথি-পত্ৰও উদ্ধাৰ কৰে আৰক্ষীয়ে। সম্প্ৰতি লেখাপানী আৰক্ষীৰ জিম্মাত সমীৰণ সোণোৱাল ওৰফে যাদৱ অসম।
