নগাঁৱৰ অতিৰিক্ত আৰক্ষী অধীক্ষক (সদৰ) ধ্ৰুৱ বৰাৰ নেতৃত্বত যোৱা নগাঁও আৰক্ষীৰ এটা দলে দেওবাৰে নিশা চামগুৰিৰ কাৱৈমাৰীত পিষ্টলসহ গ্ৰেপ্তাৰ কৰিছে দুধৰ্ষ ডকাইত আজিজুৰ ৰহমানক। ডকাইতি,হত্যা আদিত জড়িত আজিজুৰ ৰহমান চুপাৰী কিলাৰ হিচাপেও জনাজাত। ২০১৬ চনতে আজিজুৰে ছাইফুল ইছলাম নামৰ এজন যুৱকক চামগুৰিত গুলীয়াই হত্যা কৰিছিল। ইয়াৰ পিছতে নগাঁও আৰক্ষীৰ ম’ষ্ট ৱাণ্টেড হৈ পৰা দুধৰ্ষ অপৰাধী আজিজুৰে দীৰ্ঘদিন ধৰি আত্মগোপন কৰি আছিল। শেহতীয়াভাৱে আজিজুৰে পুনৰ অপৰাধজনিত ঘটনাত জড়িত হৈ পৰিছিল। দেওবাৰে নিশা গোপন সূত্ৰৰ পমখেদি নগাঁও আৰক্ষীৰ এটা দলে চামগুৰিৰ কাৱৈমাৰীত অভিযান চলাই আজিজুৰক গ্ৰেপ্তাৰ কৰিবলৈ সক্ষম হয়। আজিজুৰৰ পৰা আৰক্ষীয়ে উদ্ধাৰ কৰিছে এটা হস্তনিৰ্মিত পিষ্টল। শেহতীয়াভাৱে, লাওখোৱাৰ ডকাইতিৰ লগতো আজিজুৰ জড়িত থকাৰ সন্দেহ কৰিছে আৰক্ষীয়ে।
More like thisRelated
কাজিৰঙাত আৰম্ভ ১২ সংখ্যক আন্তঃৰাষ্ট্ৰীয় পৰ্যটন মাৰ্ট
কাজিৰঙাত আৰম্ভ ১২ সংখ্যক আন্তঃৰাষ্ট্ৰীয় পৰ্যটন মাৰ্ট। কেন্দ্ৰীয় পৰ্যটন...
ভয়ংকৰ দুৰ্ঘটনাত জামুগুৰিহাটত থিতাতে নিহত এজন
কোলাত ৫ মহীয়া সন্তান, দুৰ্ঘটনাত পতিত পিতৃ-মাতৃ। ভয়ংকৰ দুৰ্ঘটনাত...
প্ৰেমজনিত কাৰণতেই সংঘটিত হ’ল নেকি ৰূপহীহাটৰ গড়াজানৰ হত্যাকাণ্ড?
ৰূপহীহাটৰ গড়াজানত যোৱা ২২ নৱেম্বৰত সংঘটিত ঘটনাই আজিও শোকবিহ্বল...