মাজুলী–নিমাতী সংযোগী ১০৮ নৌকা এম্বুলেন্সৰ পৰা চুৰি হ’ল দুটা বেটাৰী আৰু দুটা GPS। নিশাৰ ভাগত চোৰে দীৰ্ঘদিন ধৰি বিকল হৈ থকা নৌকা এম্বুলেন্সখনত প্ৰৱেশ কৰি সামগ্ৰীসমূহ চুৰি কৰাৰ অভিযোগ উত্থাপন হৈছে।
ঘটনা সন্দৰ্ভত ১০৮ সেৱাৰ কৰ্মচাৰীয়ে বনগাঁও আৰক্ষী থানাত গোচৰ ৰুজু কৰিছে। GPS চুৰি হোৱাৰ ফলত ১০৮ নৌকা সেৱাৰ কৰ্মচাৰীসকলে বৰ্তমান উপস্থিতি (Attendance) দিব পৰা নাই বুলি জানিব পৰা গৈছে।
উল্লেখযোগ্য যে, মাজুলী–নিমাতী জলপথত সেৱা আগবঢ়োৱা মুঠ তিনিখন নৌকা এম্বুলেন্সৰ ভিতৰত দুখনেই দীৰ্ঘদিন ধৰি বিকল হৈ আছিল। সেই বিকল নৌকা এম্বুলেন্সৰ পৰাই বেটাৰী আৰু GPS চুৰি হোৱা ঘটনাই সেৱাৰ নিৰাপত্তাক লৈও প্ৰশ্ন উত্থাপন কৰিছে। ঘটনা সন্দৰ্ভত আৰক্ষীয়ে তদন্ত আৰম্ভ কৰিছে।
