জুবিন গাৰ্গৰ মৃত্যুৰ গোচৰত অভিযুক্ত শ্যামকানু মহন্তৰ জামিন আবেদনক লৈ পুনৰ অনিশ্চয়তা। আজি উচ্চতম ন্যায়ালয়ত শ্যামকানু মহন্তৰ জামিন আবেদন সন্দৰ্ভত শুনানি হয়। আদালতৰ কাৰ্যসূচী অনুসৰি বিষয়টো আজি উচ্চতম ন্যায়ালয়ৰ সন্মুখত তালিকাভুক্ত আছিল। কিন্তু ছুপ্ৰিম ক’ৰ্টত আজিও ওলমি ৰ’ল শ্যামকানু মহন্তৰ ভাগ্য। নৱেম্বৰৰ প্ৰথম সপ্তাহত তথা ৪ নবেম্বৰত পুনৰ শুনানি গ্ৰহণ কৰিব ছুপ্ৰিম ক’ৰ্টে।
ইয়াৰ পূৰ্বে ১৭ আগষ্টত উচ্চতম ন্যায়ালয়ে শ্যামকানু মহন্তৰ জামিন আবেদন নাকচ কৰি বিষয়টোৰ পৰৱৰ্তী শুনানি ৫ অক্টোবৰলৈ নিৰ্ধাৰণ কৰিছিল। একে সময়তে অসম চৰকাৰক গোচৰটোৰ বিচাৰ প্ৰক্ৰিয়া অযথা পলম নকৰাকৈ আগবঢ়াই নিয়াৰ নিৰ্দেশ দিয়া হৈছিল।
শ্যামকানু মহন্তৰ জামিন আবেদনৰ ক্ষেত্ৰত উচ্চতম ন্যায়ালয়ৰ শুনানি আৰু পৰৱৰ্তী নিৰ্দেশনাৰ ওপৰত এতিয়া সকলোৰে দৃষ্টি নিবদ্ধ হৈ আছে।
