এছিয়ান গেমছত ভাৰতৰ তৃতীয়টো পদক; পুৰুষৰ ১০ মিটাৰ এয়াৰ ৰাইফল দলীয় ইভেণ্টত ভাৰতৰ ৰূপৰ পদক

আইচি-নাগোয়া এছিয়ান গেমছত পদক অভিযান অব্যাহত ৰাখিছে ভাৰতে। পুৰুষৰ ১০ মিটাৰ এয়াৰ ৰাইফল দলীয় শাখাত ৰূপৰ পদক লাভ কৰাৰ লগে লগে ভাৰতৰ মুঠ পদকৰ সংখ্যা তিনিটালৈ বৃদ্ধি পাইছে। উল্লেখযোগ্য যে ভাৰতৰ তিনিওটা পদকেই ১০ মিটাৰ ৰাইফল শ্বুটিঙৰ পৰা অহা ৰূপৰ পদক।

পুৰুষৰ ১০ মিটাৰ এয়াৰ ৰাইফল দলীয় শাখাত ৰূপৰ পদক লাভ কৰাৰ লগতে ভাৰতীয় শ্বুটাৰ ৰুদ্ৰাংক্ষ পাটিল আৰু হিমাংশু ধিল্লনেও ব্যক্তিগত শাখাৰ ফাইনেলত স্থান নিশ্চিত কৰিছে।

ইয়াৰ পূৰ্বে মহিলাৰ ১০ মিটাৰ এয়াৰ ৰাইফল দলীয় শাখাত এলাভেনিল ভালাৰিৱান, বিদৰ্ষা বিনোদ আৰু সোণম মাস্কৰে ৰূপৰ পদক লাভ কৰিছিল। এলাভেনিলে পিছত মহিলাৰ ১০ মিটাৰ এয়াৰ ৰাইফল ব্যক্তিগত শাখাতো ৰূপৰ পদক অৰ্জন কৰে। তেওঁ জাপানৰ হিনাতা তাইচিৰ পিছত দ্বিতীয় স্থান লাভ কৰে।

ইফালে এছিয়ান গেমছত নতুনকৈ অন্তৰ্ভুক্ত কৰা পৰম্পৰাগত মিক্সড মাৰ্শেল আৰ্টছ (MMA) শাখাত ভাৰতলৈ আহিছে আন এটা পদক। মহিলাৰ ৬০ কিলোগ্ৰাম শাখাত সুচিকা তাৰিয়ালে ছিংগাপুৰৰ টেও হুই হুনৰ বিৰুদ্ধে প্ৰতিদ্বন্দ্বিতা কৰি ব্ৰঞ্জৰ পদক লাভ কৰে।

টেবুল টেনিছতো ভাৰতৰ বাবে আহিছে সফলতা। মহিলাৰ দলীয় শাখাত ভাৰতে পাকিস্তানক ৩-০ ব্যৱধানত পৰাস্ত কৰে। সুথীৰ্থা মুখাৰ্জী, ১৭ বছৰীয়া ছিণ্ড্ৰেলা দাস আৰু শ্ৰীজা আকুলাৰ প্ৰদৰ্শনে ভাৰতক এই জয়ত সহায় কৰে।

সাঁতোৰতো ভাৰতীয় দলৰ বাবে আহিছে সুখবৰ। ৫০ মিটাৰ বেকষ্ট্ৰ’ক শাখাৰ ফাইনেললৈ যোগ্যতা অৰ্জন কৰিছে শ্ৰীহৰি নটৰাজে।

ইফালে, দেওবাৰে দুটা ৰূপৰ পদক লাভ কৰাৰ পাছত সোমবাৰে এছিয়ান গেমছত ভাৰতৰ প্ৰথমটো সোণৰ পদক লাভৰ আশা ভাৰতবাসীৰ। দেওবাৰৰ ভাৰত পদক তালিকাত দশম স্থানত আছিল। চীন আৰু জাপানে ২০টাকৈ পদক লাভ কৰি তালিকাৰ শীৰ্ষত আছিল। ১১টা সোণৰ পদকসহ চীন শীৰ্ষ স্থানত আছিল, আনহাতে আয়োজক জাপানে লাভ কৰিছিল ৬টা সোণৰ পদক।

NKTV Digital
Author: NKTV Digital

Popular

More like this
Related

ইজৰাইলত নতুন চৰকাৰ গঠনৰ তৎপৰতা, নেতানিয়াহুৰ লিকুড পাৰ্টিক আলোচনালৈ আমন্ত্ৰণ গাডি আইজেনকটৰ

ইজৰাইলত নতুন চৰকাৰ গঠনৰ প্ৰক্ৰিয়াক লৈ ৰাজনৈতিক তৎপৰতা বৃদ্ধি...

গুজৰাটৰ কচ্ছত ভয়ংকৰ পথ দুৰ্ঘটনা, একেটা পৰিয়ালৰ তিনি শিশুসহ ৭জনৰ মৃত্যু

গুজৰাটৰ কচ্ছ জিলাত সংঘটিত এক ভয়ংকৰ পথ দুৰ্ঘটনাত তিনিটা...

অপাৰেচন সিন্দূৰৰ সময়ত পাকিস্তানক চীনৰ সমৰ্থন,ভাৰতৰ উত্থান ৰোধৰ কৌশল চীনৰ : আমেৰিকান কমিটী

ভাৰতৰ ক্ৰমবৰ্ধমান শক্তি আৰু আঞ্চলিক প্ৰভাৱ সীমিত কৰাৰ লক্ষ্যৰে...