নতুন আৰু উদীয়মান ক্ৰিয়েটৰসকলৰ বাবে ইউটিউবৰ পৰা টকা উপাৰ্জন কৰাটো এতিয়া অধিক কঠিন হৈ পৰিব। ইউটিউবে তেওঁলোকৰ ইউটিউব পাৰ্টনাৰ প্ৰগ্ৰামৰ (YPP) উপাৰ্জনৰ নীতিত এক ডাঙৰ পৰিৱৰ্তন আনিছে। নতুন নিয়ম অনুসৰি, ২০২৭ চনৰ ১ ফেব্ৰুৱাৰীৰ পৰা বিজ্ঞাপন আৰু প্ৰীমিয়াম ৰাজহ অংশীদাৰিত্বৰ বাবে আবেদন কৰিবলৈ চেনেলসমূহে ৩৬৫ দিনত ন্যূনতম ৮,০০০ ঘণ্টাৰ ৱাটচ টাইম বা ৯০ দিনত ২ কোটি (২০ মিলিয়ন) শ্বৰ্টছ ভিউ লাভ কৰিব লাগিব।
এইটো ২০১৮ চনৰ পিছত ইউটিউবৰ মনিটাইজেচন নিয়মৰ আটাইতকৈ ডাঙৰ পৰিৱৰ্তন। বৰ্তমানৰ নিয়ম অনুসৰি ৪,০০০ ঘণ্টাৰ ৱাটচ টাইম বা ১ কোটি শ্বৰ্টছ ভিউৰ প্ৰয়োজন হৈছিল, যাক এতিয়া পোনে পোনে দুগুণ কৰা হৈছে। অৱশ্যে ১,০০০ গ্ৰাহক (Subscribers) পোৱাৰ চৰ্ত আৰু ৫০০০ গ্ৰাহকৰ ফ্যান ফান্ডিং বা শ্বপিং ফিচাৰৰ নিয়মবোৰ পূৰ্বৰ দৰেই থাকিব।
এই নতুন নিয়ম কেৱল নতুনকৈ আবেদন কৰা ক্ৰিয়েটৰসকলৰ বাবেহে প্ৰযোজ্য হ’ব। যিসকল ক্ৰিয়েটৰ ইতিমধ্যে ইউটিউব পাৰ্টনাৰ প্ৰগ্ৰামৰ অংশ হৈ আছে, তেওঁলোকৰ ওপৰত এই ৮,০০০ ঘণ্টাৰ চৰ্তই কোনো প্ৰভাৱ নেপেলায়। কিন্তু বিদ্যমান ক্ৰিয়েটৰসকলেও ৩১ জানুৱাৰী ২০২৭ৰ ভিতৰত ইউটিউবৰ নতুন চুক্তিত সন্মতি জনাব লাগিব আৰু চেনেলটো সক্ৰিয় ৰাখিবলৈ কিছুমান ন্যূনতম নিয়ম মানি চলিব লাগিব। ইউটিউবৰ মতে, এই পৰিৱৰ্তনে প্লেটফৰ্মটিত মানদণ্ড ধৰি ৰখাত আৰু সক্ৰিয় ক্ৰিয়েটৰসকলক সঠিক ফল দিয়াত সহায় কৰিব।
