নেপালৰ গৃহমন্ত্ৰী সুদান গুৰুঙে বুধবাৰে পদত্যাগ কৰিছে। তেওঁৰ পদত্যাগৰ মূল কাৰণ হৈছে তেওঁৰ বিত্তীয় লেনদেন আৰু ব্যৱসায়িক সম্পৰ্কৰ সন্দেহজনক অভিযোগ।
সম্প্ৰতি সংবাদ মাধ্যমত প্ৰকাশ পাইছে যে গুৰুঙৰ বিত্তীয়ভাৱে সন্দেহজনক ব্যৱসায়ী দীপক ভট্টৰ সৈতে যোগাযোগ আছে। ভট্ট বৰ্তমান Money Launderingৰ অভিযোগত তদন্তাধীন। গুৰুঙৰ কেইবাটাও কোম্পানীত শ্বেয়াৰ আছে বুলি খবৰ প্ৰকাশ পোৱাৰ পিছত তীব্ৰ সমালোচনা আৰু পদত্যাগৰ দাবী উঠিছিল।
গুৰুঙে সামাজিক মাধ্যমত পদত্যাগৰ কথা ঘোষণা কৰি কৈছে যে, তেওঁৰ বিৰুদ্ধে উঠা অভিযোগৰ নিৰপেক্ষ তদন্তৰ স্বাৰ্থত আৰু কোনো স্বাৰ্থৰ সংঘাত এৰাই চলিবলৈ তেওঁ পদত্যাগ কৰিছে। তেওঁ কয় যে, “নৈতিকতা আৰু ৰাইজৰ বিশ্বাস পদৰ ওপৰত ঊৰ্ধ্বতন।”
তেওঁৰ পদত্যাগৰ ফলত বৰ্তমান নেপালৰ গৃহ মন্ত্ৰালয় প্ৰধানমন্ত্ৰীৰ দায়িত্বত থাকিব। এই ঘটনাই নেপালৰ ৰাজনীতিত নতুন বিতৰ্কৰ সৃষ্টি কৰিছে।
