আমেৰিকাৰ উদ্যোগপতি ইলন মাস্কে শেহতীয়াকৈ গুৰুতৰ উদ্বেগ প্ৰকাশ কৰিছে। এটা পোষ্টত মাস্কে উল্লেখ কৰিছে যে, এই বিশ্ব বিশ্বযুদ্ধৰ দিশে আগবাঢ়িছে। প্ৰধান ৰাষ্ট্ৰসমূহৰ মাজত উত্তেজনা অহৰহ বৃদ্ধি পাইছে। এনে পৰিস্থিতিত যুদ্ধ অনিবাৰ্য। ৫ বছৰৰ ভিতৰত, আনকি অন্ততঃ ১০ বছৰৰ ভিতৰত হ’ব পাৰে এনে পৰিস্থিতি। কিন্তু কোনবোৰ দেশৰ মাজত এই যুদ্ধ আৰম্ভ হ’ব পাৰে সেই কথা মাস্কে নিৰ্দিষ্ট কৰা নাছিল।
মাস্কে আৰু কয়, “২০৩০ চনৰ ভিতৰত বিশ্বত তৃতীয় বিশ্বযুদ্ধ আৰম্ভ হ’ব পাৰে। বহু দেশ ধ্বংস হ’ব। আপুনি পাৰমাণৱিক যুদ্ধ দেখা পাব পাৰে। এই মুহূৰ্তত মই ডি-এস্কেলেচনৰ বাহিৰে আন কোনো সমাধান দেখা নাই।”
মাস্কে কিয় এই কথা কৈছিল?
হাণ্টাৰ এছ নামৰ এজন ব্যৱহাৰকাৰীয়ে এটা পোষ্টত লিখিছে যে, বিশ্বৰ চৰকাৰসমূহ অসাৱধান হৈ পৰিছে। পাৰমাণৱিক অস্ত্ৰৰ আগমনৰ লগে লগে চৰকাৰসমূহে ইজনে সিজনৰ ওপৰত হেঁচা বৃদ্ধি কৰিবলৈ আৰম্ভ কৰিছে। “কেনেবাকৈ এই দেশবোৰৰ মাজত এদিন সংঘৰ্ষ হ’লে বজাৰে অৱশেষত সকলোকে ধ্বংস কৰি পেলাব। অৱশ্যে মোৰ ভুল হ’লে ভাল আছিল।”
মাৰ্কো নামৰ এজন ব্যৱহাৰকাৰীৰ পোষ্টৰ উত্তৰ দি আছিল হাণ্টাৰ এছে। মাৰ্কোৱে জিডিপি ব্যৱহাৰ কৰি বুজাবলৈ চেষ্টা কৰিছিল যে আল-স্লাভোডৰ বাহিৰে আন কোনো দেশেই কেনেকৈ নিজৰ মানুহক বিকশিত কৰা নাই। মাস্কেও তেওঁলোকৰ পোষ্টত জপিয়াই যুদ্ধৰ ভৱিষ্যদ্বাণী কৰিছিল।
মাস্কৰ এই বক্তব্য কিয় তাৎপৰ্যপূৰ্ণ?
বৰ্তমান ইউৰোপত ৰাছিয়া আৰু ইউক্ৰেইনৰ মাজত যুদ্ধ চলি আছে। ভেনিজুৱেলাৰ সৈতে বিবাদত লিপ্ত হৈছে আমেৰিকা। একেদৰে চীনৰ সৈতে টাইৱান আৰু ফিলিপাইনছৰ মাজত বিবাদ। ইজৰাইলে একেলগে ইৰাণ, ছিৰিয়া, পেলেষ্টাইন, লেবাননৰ দৰে দেশৰ বিৰুদ্ধে যুঁজি আছে।
আফ্ৰিকাৰ দেশসমূহত গৃহযুদ্ধৰ অৱস্থা। সামগ্ৰিকভাৱে বিশ্বৰ ১৯৩খন দেশৰ ভিতৰত ৭০খনতকৈও অধিক দেশ হয় যুদ্ধত লিপ্ত হৈছে নহয় যুদ্ধসদৃশ পৰিস্থিতিত জড়িত হৈ আছে। সংঘাতত জড়িত দেশসমূহৰ ভিতৰত ৰাছিয়া আৰু ইজৰাইলৰ হাতত পাৰমাণৱিক অস্ত্ৰ আছে।
আমেৰিকা, পাকিস্তান, ভাৰত, ফ্ৰান্স, ব্ৰিটেইন, চীন আদি দেশতো পাৰমাণৱিক অস্ত্ৰ আছে। ষ্টকহোম ইণ্টাৰনেশ্যনেলৰ তথ্য অনুসৰি বৰ্তমান বিশ্বত প্ৰায় ১২ হাজাৰ পাৰমাণৱিক অস্ত্ৰ আছে। এই অস্ত্ৰ-শস্ত্ৰসমূহৰ দ্বাৰা ইচ্ছা কৰিলে পৃথিৱীখন ধ্বংস কৰিব পৰা যায়।
