৫০খন দেশৰ ১৫০০ৰো অধিক প্ৰদৰ্শক আৰু ১ লাখ ৪৮ হাজাৰৰো অধিক উদ্যোগৰ পেছাদাৰীয়ে ডুবাই এয়াৰ শ্ব’ত অংশগ্ৰহণ কৰিছে। ইয়াৰ ভিতৰত আছে বম্বাৰ্ডিয়াৰ, ডাছল্ট এভিয়েশন, এম্ব্ৰায়াৰ, থেলছ, এয়াৰবাছ, লকহিড মাৰ্টিন, কেলিডাছৰ দৰে প্ৰধান আন্তঃৰাষ্ট্ৰীয় মহাকাশ কোম্পানী। ভাৰত ফৰ্জ, ব্ৰহ্মছ, টেক মহিন্দ্ৰা, আৰু এইচ বি এল ইঞ্জিনিয়াৰিঙকে ধৰি ১৯টা ভাৰতীয় উদ্যোগে ভাৰতক প্ৰতিনিধিত্ব কৰে।
ইয়াৰ উপৰিও ১৫টা ভাৰতীয় ষ্টাৰ্টআপে অংশগ্ৰহণ কৰিছে। ভাৰতীয় বায়ুসেনাই সূৰ্যকিৰণ এৰ’বেটিক দল আৰু এল চি এ তেজছৰ সৈতে এই এয়াৰ শ্ব’ত অংশগ্ৰহণ কৰিছে।
শুকুৰবাৰে বিয়লি ডুবাই এয়াৰ শ্ব’ত উৰণৰ প্ৰদৰ্শনৰ সময়ত এখন তেজছ যুঁজাৰু বিমান দুৰ্ঘটনাগ্ৰস্ত হোৱাৰ ফলত আল মাকতুম আন্তঃৰাষ্ট্ৰীয় বিমানবন্দৰটি ডাঠ ক’লা ধোঁৱাৰে আঁৱৰি ধৰিছিল। ২০১৫ চনত ভাৰতীয় বায়ুসেনাত অন্তৰ্ভুক্ত হৈছিল তেজছ যুঁজাৰু বিমান। ২০১৬ চনত তেজছৰ প্ৰথমটো অপাৰেচনেল স্ক্ৱাড্ৰন গঠন কৰা হয়।
ডুবাই এয়াৰ শ্ব’ত ভাৰতৰ পেভিলিয়ন
হিন্দুস্তান এৰ’নটিক্স লিমিটেড (এইচ এ এল)ৰ দ্বাৰা নিৰ্মিত এই বিমানখন একক আসনৰ লাইট কম্বেট এয়াৰক্ৰাফ্ট (এল চি এ)। ডুবাই এয়াৰ শ্ব’তো ভাৰতৰ এটা পেভিলিয়ন আছে। HAL, DRDO, ক’ৰাল টেকন’লজিছ, ডেণ্টেল হাইড্ৰলিক্স, ইমেজ চিনাৰ্জি এক্সপ্ল’ৰ, এছ এফ অ’ টেকন’লজিছ, আদিৰ ষ্টল স্থাপন কৰা হৈছে।
পেভিলিয়নৰ উপৰিও ভাৰত ফৰ্জ, ব্ৰহ্মছ, টেক মহিন্দ্ৰা, আৰু এইচ বি এল ইঞ্জিনিয়াৰিঙকে ধৰি ১৯টা ভাৰতীয় উদ্যোগে নিজৰ বিভিন্ন বিশেষজ্ঞতা প্ৰদৰ্শন কৰিছে।
সংযুক্ত আৰব আমিৰশ্বাহীত অনুষ্ঠিত হোৱা ডুবাই এয়াৰ শ্ব’ ২০২৫ত ভাৰতীয় প্ৰতিনিধি দলত প্ৰতিৰক্ষা বিভাগ, প্ৰতিৰক্ষা উৎপাদন বিভাগ, বৈদেশিক পৰিক্ৰমা মন্ত্ৰালয়, আৰু সশস্ত্ৰ বাহিনীৰ উচ্চপদস্থ বিষয়াসকলো আছিল।
