শনিবাৰে খানাপাৰাত সুধাকণ্ঠৰ জন্ম শতবৰ্ষ অনুষ্ঠানত অংশগ্ৰহণ কৰিলে প্ৰধানমন্ত্ৰী নৰেন্দ্ৰ মোদীয়ে। ভূপেন দাৰ প্ৰতিচ্ছবিত মাল্যৰ্পণ কৰি শ্ৰদ্ধাঞ্জলি জনালে প্ৰধানমন্ত্ৰীয়ে। প্ৰধানমন্ত্ৰীৰ সন্মুখত ১২০০ শিল্পীয়ে পৰিৱেশন কৰিলে সুধাকণ্ঠৰ কালজয়ী গীত। সুধাকণ্ঠৰ ১৪টা কালজয়ী গীতৰ কলি পৰিৱেশন কৰিলে শিল্পীসকলে। সুধাকণ্ঠৰ নামত RBIয়ে প্ৰস্তুত কৰা ১০০ টকীয়া মুদ্ৰাও মুকলি কৰা হ’ল।
ভূপেন হাজৰিকাৰ জীৱনী গ্রন্থ মুকলি কৰা হয় জন্ম শতবৰ্ষ অনুষ্ঠানত। অনুৰাধা শৰ্মা পূজাৰীৰ সম্পাদনাৰে উলিওৱা গ্রন্থখন ২১টাকৈ ভাষাত অনূদিত।
ড০ ভূপেন হাজৰিকাক সুঁৱৰি ভাষণ প্ৰদান কৰিলে প্রধানমন্ত্ৰী নৰেন্দ্ৰ মোদীয়ে। জন্ম শতবাৰ্ষিকী অনুষ্ঠানত অংশ লৈ মই বহুত সুখী বুলি মন্তব্য প্ৰধানমন্ত্ৰীৰ। এই অনুষ্ঠানত অংশ লোৱা সকলো শিল্পীক ধন্যবাদ জ্ঞাপন। প্ৰধানমন্ত্ৰীয়ে কলে, ‘ভূপেন দাৰ গীত এইদৰে চিৰপ্রৱাহমান হৈ থাকক’। ‘এনে পবিত্র অনুষ্ঠানত অংশ লোৱাটো মোৰ বাবে সৌভাগ্য’। ‘ভূপেন দাই সুৰেৰে ভাৰতবৰ্ষক একত্ৰিত কৰিছিল’।
