ছিপাঝাৰত প্ৰাতঃভ্ৰমণ কৰিবলৈ গৈ দুৰ্ঘটনাত নিহত এগৰাকী মহিলা। মাটি কঢ়িওৱা ডাম্পাৰে মহটিয়াই নিলে মহিলাগৰাকীক। ছিপাঝাৰ-গৰুখুঁটি পথৰ ভূক্তাবাৰীত সংঘটিত হয় এই দুৰ্ঘটনা। থিতাতে নিহত ভূক্তাবাৰীৰ মিনাক্ষী বৰুৱা নামৰ মহিলাগৰাকী। মহিলাগৰাকীক খুন্দিয়াই পথৰ দাঁতিত বাগৰি পৰে মাটিভৰ্তি ডাম্পাৰখন। ঘটনাস্থলীৰ পৰা পলায়ন ডাম্পাৰ চালকৰ। দুৰ্ঘটনা সংঘটিত কৰা ডাম্পাৰখনৰ নম্বৰ AS-13AC-6841। ডাম্পাৰৰ দৌৰাত্মৰ বাবেই নিতৌ সংঘটিত হৈছে বহু দুৰ্ঘটনা। অকালতে প্ৰাণ হেৰুৱাইছে বহু লোকে। পৰিবহণ বিভাগ, আৰক্ষীৰ অভিযানৰ মাজতো কমা নাই ডাম্পাৰ চালকৰ দৌৰাত্ম্য।
