সুৰাপায়ী, ষ্টান্ট কৰা চালক আৰু স্পীড লিমিট নমনাসকলৰ বিৰুদ্ধে কঠোৰ মুখ্যমন্ত্ৰী

■ নিশা ১০ বজাৰ পাছত সুৰাপান কৰি গাড়ী চলোৱা চিনাক্ত কৰিবলৈ কঠোৰ পৰীক্ষা চকীৰ বলৱৎ কৰা হ’ব। গুৱাহাটীত এই ব্যৱস্থা বিশেষভাৱে ৰূপায়ণ কৰা হ’ব।
■ মাঘ বিহুলৈকে এক বলিষ্ঠ পথ সুৰক্ষা অভিযান আৰু নিৰীক্ষণ বলৱৎ কৰা হ’ব।
■ বাইক ষ্টাণ্ট কৰা সকলক গ্ৰেপ্তাৰ কৰি জে’ললৈ প্ৰেৰণ কৰিবলৈ নিৰ্দেশ।
■ আবকাৰী বিভাগে বাৰ বন্ধ কৰাৰ সময় সম্পর্কীয় নীতি সম্পর্কে অন্বেষণ কৰি ঋতু অনুসৰি ইয়াক বলৱৎ কৰাৰ ব্যৱস্থা কৰিব।
■ বনভোজস্থলীৰ পৰিষ্কাৰ-পৰিচ্ছন্নতা আৰু সুৰক্ষা নিশ্চিত কৰিবলৈ সকলো অংশীদাৰকে সামৰি এক SOP প্রকাশ কৰা হ’ব।
■ বর্ধিত দুর্ঘটনা নিয়ন্ত্ৰণ কৰাৰ বাবে গুৱাহাটী বাইপাছৰ স্ট্রীটলাইট, ফুট অভাৰব্ৰীজ, ৰিফ্লেক্সন পেটচ্ আদি স্থাপনৰ কাম ত্বৰান্বিত কৰা হ’ব।
■ লোক নিৰ্মাণ বিভাগৰ পথ নিৰ্মাণৰ কাৰ্যপ্ৰণালীত স্পীড ব্ৰেকাৰ নিৰ্মাণ, ক্ৰেছ বেৰিয়াৰ, ছাইনেজ, ফ্ল’ৰ’চেণ্ট লাইটৰ অন্তর্ভুক্তিকৰণৰ ব্যৱস্থা।
■ বাণিজ্যিক ট্রাক আৰু বাহনৰ পিছফালে ৰিফ্লেক্টিভ পেটচ্ লগোৱাটো কাৰ্যকৰী কৰিবলৈ সীমান্ত জিলাৰ আৰক্ষী অধীক্ষকসকললৈ বিশেষ নির্দেশনা প্রদান।
■ আৰক্ষী আৰু জিলা প্রশাসনে সাধাৰণ ৰাইজৰ মাজত সজাগতা আনিবলৈ সামাজিক মাধ্যমত ব্যাপক পথ সুৰক্ষা অভিযান চলাব।
■ বাণিজ্যিক বাহনৰ চালকসকলৰ দৃষ্টি পৰীক্ষা কৰিব লাগিব আৰু চিকিৎসাৰ সুবিধাৰ লগতে সংশোধনমূলক ব্যবস্থা গ্রহণ কৰা হ’ব।
■ সকলো মুখ্য চহৰত ষ্ট্ৰীটলাইট স্থাপন মিছন মোডত সম্পন্ন কৰিব লাগিব।
■ যিকোনো ৰাজহুৱা অনুষ্ঠান আৰম্ভ হোৱাৰ পূৰ্বে পথ সুৰক্ষা ভিডিঅ’/নাটক প্রদর্শন কৰিব লাগিব।
■ চিকিৎসা মহাবিদ্যালয় আৰু চিকিৎসালয়সমূহ দুর্ঘটনাত পতিত লোকসকলক যথা সম্ভৱ যত্ন প্রদান কৰিবলৈ সাজু থাকিব।
■ অপ্রীতিকৰ পৰিস্থিতিত চিকিৎসকসকলৰ সুৰক্ষা নিশ্চিত কৰিবলৈ চিকিৎসা মহাবিদ্যালয়/চিকিৎসালয়ত সুৰক্ষা বৃদ্ধি কৰা হ’ব।