কোন দিশে গতি কৰিছে সমাজ! ভুল ক’ত? অভিভাৱকৰ সংস্কাৰত নে সামাজিক পাৰিপাৰ্শ্বিকতাত? এটা উদ্বেগজনক কাণ্ডই জোকাৰিছে ডুমডুমা। এইবাৰ ধৰ্ষণত অভিযুক্ত ১৬ কিম্বা ১৭ বয়সৰ ৭ কিশোৰ। ১৪ বছৰীয়া কিশোৰীৰ সৈতে অপকৰ্ম কৰিছে তেওঁলোকে। মুখত সোপা দি, চকুত বান্ধি ক’লা কাপোৰ, সংঘটিত কৰিলে ধৰ্ষণ কাণ্ড। কিশোৰীগৰাকী বৰ্তমান ৬ মাহৰ অন্ত্বঃসত্তা
তিনিচুকীয়া জিলাৰ ডুমডুমাত সংঘটিত হৈছে এই চাঞ্চল্যকৰ ঘটনা। খেলি থকা কিশোৰীক চকু আৰু মুখত কাপোৰ বান্ধি ধৰ্ষণ কৰাৰ অভিযোগ এই ৭অভিযুক্তৰ বিৰুদ্ধে। ৬ মাহৰ পূৰ্বেই সংঘটিত হৈছিল এই ঘটনা। ঘটনাৰ বিষয়ে কাৰোবাক ক’লেই ঘৰ জ্বলাই দিয়াৰ লগতে পৰিয়ালক হত্যা কৰাৰ ভাবুকি দিয়াৰো অভিযোগ। ভয়ত উপায়ন্তৰ কিশোৰীগৰাকী এতিয়া ৬ মাহৰ অন্ত্বঃসত্তা। ঘটনা সন্দৰ্ভত ডুমডুমা আৰক্ষী থানাত এজাহাৰ দাখিল কৰা হল, অভিযুক্ত ৭ কিশোৰক গ্ৰেপ্তাৰ কৰিলে আৰক্ষীয়ে।
এগৰাকী ১৪ বছৰীয়া কিশোৰীৰ সৈতে অপকৰ্ম কৰিছে ৭ কিশোৰে! এয়া সমাজৰ কেনে স্খলিত ৰূপ। আপোনাৰ সন্তানে কি কৰি আছে? আপুনি সেই লৈ সজাগ নে? চকুৰ পচাৰতে ৰাজ্যখনৰ ভিন্ন প্ৰান্তত সংঘটিত হৈ গৈছে এনে চাঞ্চল্যকৰ ঘটনা। উদ্বিগ্ন সচেতন সমাজ।
