গুৱাহাটী, ১৬ জুন, NKTV: আগন্তুক টকিঅ’ অলিম্পিকত মহিলা বক্সিঙত ভাৰতক প্রতিনিধিত্ব কৰিবলগীয়া অসম কন্যা লাভলীনা বৰগোঁহাইৰ পিতৃ টিকেন বৰগোঁহাইয়ে আজি মুখ্যমন্ত্রী ড° হিমন্ত বিশ্ব শৰ্মাক জনতা ভৱনস্থিত তেখেতৰ কার্যালয় কক্ষত সাক্ষাৎ কৰি বক্সাৰগৰাকীয়ে অলিম্পিকৰ বাবে চলাই থকাৰ প্রস্তুতি সন্দৰ্ভত মত বিনিময় কৰে। এই সাক্ষাৎ কালত মুখ্যমন্ত্রী ড° শৰ্মাই বক্সাৰগৰাকীক টকিঅ’ অলিম্পিকৰ বাবে যাৱতীয় প্রস্তুতি আৰু প্রশিক্ষণত সহায়ক হােৱাকৈ ৰাজ্যিক ক্রীড়া নীতি অনুসৰি ৫ লাখ টকা ধনৰাশিৰ এখন চেক বক্সাৰগৰাকীৰ পিতৃৰ হাতত অৰ্পণ কৰে। তদুপৰি ডুবাইত সদ্যসমাপ্ত এছিয়ান বক্সিং চেম্পিয়নশ্বিপত ব্ৰঞ্জৰ পদক অর্জন কৰি ৰাজ্যখনলৈ সুনাম কঢ়িয়াই অনা লাভলীনা বৰগোঁহাইলৈ ৰাজ্যিক ক্রীড়া নীতি অনুসৰি ২ লাখ টকা ধনৰাশিৰ আন এখন চেকো মুখ্যমন্ত্ৰীয়ে বক্সাৰগৰাকীৰ পিতৃৰ হাতত আজি অর্পণ কৰে। মুখ্যমন্ত্রী ড° শৰ্মাই লগতে আগন্তুক অলিম্পিকত বক্সাৰগৰাকীয়ে পদক অর্জনেৰে ৰাজ্য তথা দেশবাসীক গৌৰৱান্বিত কৰিব বুলি আশা প্রকাশ কৰে। আনহাতে মুখ্যমন্ত্ৰীয়ে আজি ৰাজ্যিক বক্সিং একাডেমী প্রশিক্ষার্থীৰ এটা গােটৰ সৈতেও এই সাক্ষাৎ কালতে মত-বিনিময় কৰি তেওঁলােকে একাডেমীখনত লাভ কৰি থকা সা-সুবিধাৰ বুজ লয়। মুখ্যমন্ত্ৰীয়ে বক্সিং একাডেমী কর্তৃপক্ষক এই উদীয়মান বক্সাৰসকলক পুষ্টিদায়ক খাদ্য ইত্যাদি নিয়মীয়াকৈ যােগান ধৰি ভালদৰে অনুশীলন চলােৱাৰ যাৱতীয় সকলাে ব্যৱস্থা কৰাৰ বাবে কয়। মুখ্যমন্ত্ৰীয়ে লগতে ক্রীড়া আৰু যুৱ কল্যাণ বিভাগৰ মন্ত্রী বিমল বৰাক একাডেমীখন পৰিদৰ্শন কৰি সা-সুবিধাৰ বুজ লােৱাৰ বাবে নির্দেশ দিয়াৰ লগতে তেখেতে নিজেও একাডেমীখনলৈ গৈ ইয়াত উপলব্ধ সা-সুবিধাৰ বুজ ল’ব বুলি কয়।
More like thisRelated
প্ৰথমবাৰলৈ ভাগ্য পৰীক্ষাত নামিয়েই সফল হ’ল প্ৰিয়ংকা
প্ৰথমবাৰলৈ ভাগ্য পৰীক্ষাত নামিয়েই সফল হ’ল প্ৰিয়ংকা। সংসদীয় ৰাজনীতিত...
ৰকিবুলৰ দুৰ্গত উৰিল গেৰুৱা বাহিনীৰ বিজয় ধ্বজা
অন্ত পৰিল সকলো জল্পনা–কল্পনা, সমীকৰণৰ। গেৰুৱাৰ ধুমুহাত তচনচ হৈ...
ৰাজ্যৰ উপ-নিৰ্বাচনত মুখ ঠেকেছা খাইছে বিৰোধীয়ে
ৰাজ্যৰ উপ-নিৰ্বাচনত মুখ ঠেকেছা খাইছে বিৰোধীয়েআন সমষ্টিৰ লগতে ধলাই...
কোন হ’ব মহাৰাষ্ট্ৰৰ পৰৱৰ্তী মুখ্যমন্ত্ৰী?
মহাৰাষ্ট্ৰৰ পৰৱৰ্তী মুখ্যমন্ত্ৰীক লৈ মহাযুটিত টনা-আঁজোৰা। বিজেপি নেতা দেবেন্দ্ৰ...