বৰ্ষশ্ৰেষ্ঠ ফুটবলাৰৰ মনোনীত চূড়ান্ত তালিকা প্ৰকাশ কৰিলে ফিফাই। আশ্চৰ্যজনকভাৱে ১৪জনীয়া এই তালিকাত নাই পৰ্তুগীজ মহাতাৰকা ক্ৰিষ্টিয়ানো ৰোনাল্ড’। তালিকাত আছে বিশ্বজয়ী আৰ্জেণ্টিনাৰ অধিনায়ক লিয়নেল মেছি। বিশ্বকাপ নেখেলিলেও বিগত বৰ্ষৰ বেলন ডিঅ’ৰ জয়ী কৰিম বেঞ্জেমাও আছে তালিকাত। স্থান পালে লুকা মদ্ৰিছ, নেইমাৰ, এমবাপে, লেৱানড’স্কিও। মহম্মদ ছালাহ, ছাদিঅ’ মানেও পালে এই তালিকাত স্থান। কিন্তু ৫ বাৰৰ বেলন ডিঅ’ৰ জয়ী তথা দ্য বেষ্ট বঁটাজয়ী ৰোণাল্ড’ক স্থান দিয়া নহ’ল এই তালিকাত। বৰ্ষশ্ৰেষ্ঠ তালিকাত ৰোণাল্ড’ৱে স্থান নোপোৱাত স্বাভাৱিকতে অবাক হৈ পৰিছে অনুৰাগী। ৩ ফেব্ৰুৱাৰী পৰ্যন্ত পাব্লিক ভোটিং গ্ৰহণ কৰি ২৭ ফেব্ৰুৱাৰীত আনুষ্ঠানিকভাৱে ফিফাই প্ৰকাশ কৰিব বৰ্ষশ্ৰেষ্ঠ খেলুৱৈজনৰ নাম।
