পদপথৰ মানসিক বিকাৰগ্ৰস্ত লোকক লাঠিৰে উপৰ্যুপৰি প্ৰহাৰ,কোন এই ফখৰুল ইছলাম?

নিকৃষ্ট কাণ্ড। পদপথৰ মানসিক বিকাৰগ্ৰস্ত লোকক লাঠিৰে উপৰ্যুপৰি প্ৰহাৰ বিলাসী বাহনৰ গৰাকীৰ। দলগাঁও আৰক্ষী থানাৰ অন্তৰ্গত বেছিমাৰীত ১৫ নং ৰাষ্ট্ৰীয় ঘাইপথৰ কাষত সংঘটিত এই ঘটনা। বেছিমাৰীৰ নদীৰকাষ গাঁৱৰ ফখৰুল ইছলাম নামৰ লোকজনে লাঠিৰে প্ৰহাৰ কৰা ভিডিঅ’ মোবাইলত বন্দী কৰে একাংশ লোকে। কিন্তু এইয়া সম্পূৰ্ণ মিছা বুলি সাংবাদিকৰ আগত প্ৰকাশ কৰে ফখৰুল ইছলামে। তেওঁ কয় যে-”লোকজন কোনো মানসিক বিকাৰগ্ৰস্ত নহয়, মোক মাৰিবলৈ আহোঁতে মই হাতৰ পৰা লাঠিডাল কাঢ়ি নি ওলোটাই প্ৰহাৰ কৰিছো।” উল্লেখ্য যে, লালপুলৰ পৰা দলগাঁও অভিমুখে গৈ থকা অৱস্থাত হঠাৎ ফখৰুল ইছলামৰ চলন্ত বাহনত বাঁহেৰে আক্ৰমণ কৰাৰ অভিযোগ লোকজনৰ বিৰুদ্ধে। ইফালে স্থানীয় পহৰা চকীৰ আৰক্ষীৰ ভাষ্য অনুসৰি লোকজন শাৰীৰিক আৰু মানসিকভাৱে বিকাৰগ্ৰস্ত। নিজৰ পৰিচয়টোৱেই ভালকৈ দিব নোৱাৰে লোকজনে। এই ঘটনাক লৈ এতিয়া দলগাৱঁত সৃষ্টি হৈছে চাঞ্চল্যৰ।