ৰাজ্যত পুনৰ জঘন্য ধৰ্ষণকাণ্ড৷ ১২ বছৰ বয়সীয়া সপ্তম শ্ৰেণীৰ ছাত্ৰীক ধৰ্ষণ লম্পট যুৱকৰ৷ বাক্সা জিলাৰ গোৱৰ্দ্ধনা আৰক্ষী থানাৰ অন্তৰ্গত মায়ংপাৰাত সংঘটিত হৈছে এই ঘটনা৷ ৰতন সূত্ৰধৰ নামত ২৩ বছৰীয়া যুৱকে সপ্তম শ্ৰেণীৰ ছাত্ৰীক ধৰ্ষণ কৰাৰ অভিযোগ পৰিয়ালৰ লোকৰ৷ ভোক্তভোগী ছাত্ৰীৰ বায়েকে দিয়া গোচৰৰ ভিত্তিত আৰক্ষীয়ে কৰায়ত্ত কৰি জেল হাজোতলৈ প্ৰেৰণ কৰে লম্পট যুৱকক৷ গোৱৰ্দ্ধনা আৰক্ষী থানাত 61/22 নম্বৰত গোচৰ ৰুজু কৰি 328 IPC RWC sec-4 Pocso আইনৰ আধাৰত জেল হাজোতলৈ প্ৰেৰণ কৰে৷ এই ঘটনাই সমগ্ৰ অঞ্চলজুৰি তীব্ৰ চাঞ্চল্যৰ সৃষ্টি কৰিছে৷
