ডাম্পাৰৰ সৈতে মুখামুখি সংঘৰ্ষ, গুৰুতৰভাবে আহত ৪ যাত্ৰী

ওদালগুৰি জিলাৰ মেকেনজী পথত ভয়াৱহ পথ দুৰ্ঘটনা। দুখন বাহনৰ মাজত মুখামুখি সংঘৰ্ষ। গুৰুতৰভাবে আঘাতপ্ৰাপ্ত ৪জনকৈ লোক। ইয়াৰে মৃণাল নাথ আৰু লোকেশ কাকতিৰ অৱস্থা গুৰুতৰ।

অতি সংকটজনক অৱস্থাত দুয়োকে গুৱাহাটী মেডিকেল কলেজ হাস্পতাললৈ প্ৰেৰণ কৰা হৈছে। আন দুজনক ওদালগুৰি অসামৰিক চিকিৎসালয়ত ভৰ্তি কৰোৱা হৈছে। ওদালগুৰিৰ দিশৰ পৰা আহি থকা AS01AP8283 নম্বৰৰ এখন Figo বাহন বিপৰীত দিশৰ পৰা অহা এখন ডাম্পাৰৰ লগত মুখামুখি সংঘৰ্ষৰ ফলত সংঘটিত হয় এই ঘটনা।

ফলত figo বাহনত থকা ৪ জন লোকেই গুৰুতৰভাবে আঘাতপ্ৰাপ্ত হয়।

Author: NKTV Digital