ধনশিৰি মহকুমাৰ চুঙাজানত জব্দ অবৈধ ইউৰিয়া ভৰ্তি এখন বাহন । বাহনখনৰ নম্বৰ AS 02 CC 8579 ৷ বাহন খন গোলাঘাটৰ কমাৰবন্ধা পৰা অসম নাগালেণ্ড সীমান্তৰ ফতৌ বস্তিলৈ ইউৰিয়া খিনি সৰবৰাহ কৰোতেই চুঙাজান আৰক্ষীৰ নিয়মীয়া তালাচিত জব্দ হয় ৭০ বস্তা ইউৰিয়া সহ আৰক্ষীয়ে আটক কৰে তিনিজন লোকক ৷ লোককেইজন ক্ৰমে মুস্তাফা ইছলাম ,বাবুল আলী আৰু অমিদুৰ ৰহমান ৷ আৰক্ষীয়ে জনোৱা অনুসৰি, ইউৰিয়াখিনি কমাৰবন্ধা শান্তি ষ্টৰৰ পৰা নিজৰ খেতিলৈ বুলি কিনি আনি বিক্ৰী কৰিবলৈ অসম নাগালেণ্ড সীমান্তৰ ফতৌ বস্তিলৈ আনি থকা অৱস্থাতেই আটক কৰে চুঙাজান আৰক্ষীয়ে। ইতিমধ্যে আৰক্ষীয়ে তিনিওজন লোককে আটক কৰি গোচৰ ৰুজু কৰি তদন্ত আৰম্ভ কৰিছে৷
