দেশৰ আন ৰাজ্যৰ তুলনাত অসমত এইডছ আক্ৰান্তৰ হাৰ কম হৈছে। বৰপেটাত HIV এইডছ সম্পৰ্কীয় কৰ্মশালা এখনত অংশগ্ৰহন কৰি জিলা এইডছ নিয়ন্ত্ৰণ বিষয়াই জনালে এই কথা৷ বৰপেটা পেঞ্চনাৰ ভৱনত অনুষ্ঠিত কৰ্মশালাত অংশগ্ৰহন কৰি জিলা এইডছ নিয়ন্ত্ৰণ বিষয়াগৰাকীয়ে সাংবাদিকৰ আগত প্ৰকাশ কৰিলে আন এক তথ্য৷ বৰপেটা, কোকৰাঝাৰ, বাক্সা, বঙাইগাঁও আৰু চিৰাং জিলাত পূৰ্বৰ তুলনাত হ্ৰাস পাইছে HIV এইডছ ৰোগী৷ জিলা এইডছ নিয়ন্ত্ৰণ বিষয়াগৰাকীৰ মতে, ক’ভিডকালীন পৰিস্থিতিক লৈ চৰকাৰে জাৰি কৰা লক ডাউনৰ সময়ছোৱাত বৰপেটা, কোকৰাঝাৰ, চিৰাং, বঙাইগাও, ধুবুৰী, বাক্সা আদি জিলাসমূহত HIV এইডছ সংক্ৰমণ হ্ৰাস পাইছিল৷ অৱশ্যে ইয়াৰ বিপৰীতে উক্ত সময়ছোৱাত গোলাঘাট, মৰিগাঁও আৰু নগাঁৱত HIV এইডছৰ সংক্ৰমণ বৃদ্ধি পোৱা বুলি জিলা এইডছ নিয়ন্ত্ৰণ বিষয়াগৰাকীয়ে জানিবলৈ দিয়ে৷ অৱশ্যে দেশৰ আন ৰাজ্যৰ তুলনাত অসমত এইডছ সংক্ৰমণৰ হাৰ কম বুলিও জানিবলৈ দিয়ে জিলা এইডছ নিয়ন্ত্ৰণ বিষয়াগৰাকীয়ে৷
