বিশ্বজুৰি ক’ভিডৰ বৰ্ধিত ধ্বংসৰ মাজত আন এটা উদ্বেগজনক খবৰ। পৃথিৱীত প্ৰথমবাৰৰ বাবে কভিড আৰু ফ্লু ভাইৰাছে একেসময়তে মানৱ শৰীৰত সংক্ৰমণৰ ঘটনা পোহৰলৈ আহিছে। এই ক’ভিড আৰু ইনফ্লুৱেঞ্জাৰ দ্বৈত সংক্ৰমণক ‘ফ্লোৰোনা’ বুলি নাম দিয়া হৈছে।
ফ্লোৰোনা প্ৰকৃততে কি?
ইনফ্লুৱেঞ্জা আৰু ক’ভিডৰ দ্বৈত সংক্ৰমণ, এনে ঘটনা পৃথিৱীত প্ৰথম পোহৰলৈ আহিছে। সহজ ভাষাত ক’বলৈ গ’লে, ই একেজন ৰোগীৰ ক্ষেত্ৰত ক’ভিড আৰু ফ্লুৰ ঘটনা। ক’ভিড আৰু ফ্লুৰ এই ডাবল সংক্ৰমণক ‘ফ্লোৰোনা’ বুলি কোৱা হয়। অৰ্থাৎ একে সময়তে ফ্লু+ক’ৰনাৰ দ্বৈত সংমিশ্ৰণ হৈছে ‘ফ্লোৰোনা’। এইটো একে সময়তে মানৱ শৰীৰত ফ্লু আৰু ক’ৰনা ভাইৰাছ দুয়োটাৰ প্ৰৱেশৰ ফলত হোৱা দ্বৈত সংক্ৰমণ। ফ্লোৰোনাৰ প্ৰথম ঘটনা এগৰাকী গৰ্ভৱতী মহিলাৰ ক্ষেত্ৰত পোৱা গৈছে। মহিলাগৰাকীক ইজৰাইলৰ ৰবীন চিকিৎসা কেন্দ্ৰত ভৰ্তি কৰোৱা হৈছিল। কেঁচুৱা জন্ম দিবলৈ প্ৰসূতিগৰাকীক হাস্পতালত ভৰ্তি কৰোৱাৰ সময়তে পোহৰলৈ আহে এই উদ্বেগজনক খবৰ।
কিয় বাঢ়িছে উদ্বেগ?
যিগৰাকী মহিলাৰ ফ্লুৰোনা গোচৰ পোহৰলৈ আহিছিল তেওঁক টীকাকৰণ কৰা হোৱা নাছিল। প্ৰকাশিত খবৰ অনুসৰি ইজৰাইলে ফ্লোৰোনা ৰোগ, কোভিড-19 আৰু ইনফ্লুৱেঞ্জাৰ দ্বৈত সংক্ৰমণৰ প্ৰথমটো ঘটনা পঞ্জীয়ন কৰিছে। ইয়াৰ লগে লগে নতুন গৱেষণাৰ প্ৰয়োজনীয়তাৰ কথা ভবাই তুলিছে।
কৰোনা আৰু ফ্লুয়ে একেলগে গুৰুতৰ জটিলতাৰ সৃষ্টি কৰিব পাৰে। বিশেষজ্ঞসকলৰ মতে, ক’ভিড আৰু ফ্লু দুয়োটাৰে দ্বৈত আক্ৰমণে গুৰুতৰ ৰোগৰ আশংকা বৃদ্ধি কৰে কিয়নো ই দ্ৰুতগতিত বিয়পিব পাৰে।
কিমান ভয়াৱহ ফ্লোৰোনা?
এইটো সম্ভৱ যে, দুয়োটা ভাইৰাছে একেলগে শৰীৰত প্ৰৱেশ কৰিব পাৰে আৰু বহুতো গুৰুতৰ ৰোগৰ সৃষ্টি কৰিব পাৰে। সেইকাৰণে ফ্লোৰোনা অধিক বিপদজনক হ’ব বুলি কোৱা হৈছে। আক্ৰান্তসকলৰ গুৰুতৰ ৰোগ যেনে নিউমোনিয়া, উশাহ লোৱাত অসুবিধা, অংগ বিকল হোৱা, হৃদযন্ত্ৰ, মগজু ফুলা, ষ্ট্ৰোক আদিৰ কাৰক হব পাৰে। যদি অধিক গুৰুতৰ হয় তেনেহ’লে ব্যক্তিজনৰো মৃত্যু হ’ব পাৰে।
বিশ্ব স্বাস্থ্য সংস্থাই কি কয়?
বিশ্ব স্বাস্থ্য সংস্থাৰ মতে সকলোৱে বিষয়টো গুৰুত্বসহকাৰে লোৱা উচিত। গুৰুতৰ বিপদৰ শংকা পৰিহাৰ কৰাৰ আটাইতকৈ কাৰ্যকৰী উপায় হৈছে চিকিৎসালয়ত ভৰ্তি হোৱাটো। ক’ভিড আৰু ইনফ্লুৱেঞ্জাৰ তীব্ৰতা প্ৰতিৰোধ কৰাৰ বাবে ইনফ্লুৱেঞ্জা ভেকছিন আৰু কোভিড-19ৰ টীকাকৰণ কৰাত গুৰুত্ব আৰোপ কৰিছে।
পৰিত্ৰাণৰ উপায় কি?
বিশ্ব স্বাস্থ্য সংস্থাই বিষয়টোৰ ওপৰত শংকিত হোৱাৰ পৰিৱৰ্তে প্ৰতিৰোধমূলক ব্যৱস্থা অনুসৰণ কৰিবলৈ পৰামৰ্শ দিছে। এই পদক্ষেপবোৰৰ ভিতৰত আছে মানুহৰ পৰা কমেও এক মিটাৰ দূৰত্ব বজাই ৰখা, দূৰত্ব দূৰ কৰা সম্ভৱ নহ’লে ভালদৰে লগোৱা মাস্ক ব্যৱহাৰ কৰা ইত্যাদি। ইয়াৰ লগতে ভিৰ আৰু দুৰ্বল বায়ু চলাচলৰ স্থান পৰিহাৰ কৰা, বায়ুকোঠাত থকা আৰু নিৰন্তৰ ভাৱে আপোনাৰ হাত ধোৱা কামসমূহ কৰিবলৈ আহ্বান জনাইছে।
