দেশত আজিৰে পৰা আৰম্ভ কিশোৰ-কিশোৰীসকলক ক’ভিড ভেকচিন প্ৰদান প্ৰক্ৰিয়া। ১৫ৰ পৰা ১৮ বছৰ বয়সৰ কিশোৰ কিশোৰীসকলক ভেকচিন প্ৰদানৰ বাবে আৰম্ভ কৰা হৈছে পঞ্জীয়ন প্ৰক্ৰিয়া। CoWin এপছৰ জৰিয়তে পঞ্জীয়ন প্ৰক্ৰিয়া আৰম্ভ কৰা হৈছে দেশজুৰি।
ছাত্ৰ-ছাত্ৰীসকলে আধাৰ কাৰ্ডৰ লগতে বিদ্যালয়ৰ পৰিচয় পত্ৰৰ জৰিয়তেও ভেকচিনৰ বাবে পঞ্জীয়ন কৰিব পাৰিব। বিদ্যালয়সমূহত পাঠদান নিয়মীয়াকৈ আৰম্ভ কৰিবলৈ বিভিন্ন মহলে চৰকাৰৰ ওপৰত হেঁচা প্ৰয়োগ কৰি অহাৰ পিছতে কেন্দ্ৰীয় স্বাস্থ্য মন্ত্ৰ্যালয়ে কিশোৰ কিশোৰীসকলক ভেকচিন প্ৰদান নিশ্চিত কৰাৰ ব্যৱস্থা গ্ৰহণ কৰিছে। অহা ৩ জানুৱাৰীৰ পৰা দেশজুৰি ১৫ৰ পৰা ১৮ বছৰ বয়সৰ কিশোৰ কিশোৰীসকলক ক’ভিড ভেকচিন প্ৰদান কৰা হ’ব।
