পুনৰ আৰক্ষীৰ এনকাউণ্টাৰ। যোৰহাটৰ আৰক্ষীৰ গুলীত গুলীবিদ্ধ ড্ৰাগছ মাফিয়া পচা বাছফৰ। পুৱতি নিশা পলাবলৈ চেষ্টা কৰোতেই আৰক্ষীৰ গুলীত গুলীবিদ্ধ পচা। যোৰহাটৰ পানীচকুৱাত নিশা প্ৰায় ৩ বজাত এই ঘটনা। প্ৰস্ৰাৱ কৰাৰ চলেৰে পলাবলৈ চেষ্টা কৰোতেই চলিল আৰক্ষীৰ গুলী। বৰ্তমান যোৰহাট চিকিত্সা মহাবিদ্যালয়ত চিকিত্সাধীন পচা বাছফৰ। কিছুদিন পূৰ্বে আৰক্ষীৰ জালৰ পৰা পলায়ন কৰিছিল পচাই। যাৰ বাবে যোৰহাট সদৰ থানাৰ ভাৰপ্ৰাপ্ত আৰক্ষী বিষয়া চিদানন্দ বৰাক শাস্তিমূলক বদলি কৰা হৈছিল।
