প্লাষ্টিকৰ বটলৰ নাৱেৰে মহাবাহু ব্ৰহ্মপুত্ৰ ভ্ৰমণ সাহসী যুৱকৰ

গুৱাহাটী, ২২ জুন, NKTV: ১৬০০ পেলনীয়া প্লাষ্টিকৰ বটলেৰে সাজি উলিওৱা এখন সৰু নাও। এই প্লাষ্টিকৰ নাওখন ফেনে ফুটুকাৰে উফন্দি থকা মহাবাহু ব্ৰহ্মপুত্ৰৰ বুকুৱেদি চলাই দূৰন্তৰ সাহসৰ পৰিচয় দিছে ধীৰাজ বিকাশ গগৈ নামৰ এজন প্ৰকৃতিপ্ৰেমী যুৱকে।

“ব্ৰহ্মপুত্ৰক প্লাষ্টিকমুক্ত” তথা প্ৰদূষণমুক্ত কৰাৰ সজাগতা মূলক বাণী বিলোৱাৰ উদ্দেশ্যে কালি নিজা প্ৰচেষ্টাৰে ডিব্ৰুগড়ৰ বগীবিলৰ পৰা যা‌ত্ৰা আৰম্ভ কৰা ধীৰাজে ১২ ঘন্টীয়া বিপদ সংকুল যাত্ৰা অতিক্ৰম কৰি যোৱা নিশা কটায় শিৱসাগৰ দিচাংমুখৰ অফলাত লুইতৰ চাপৰিত।

আজি পুনৰ পুৱাই প্লাষ্টিকৰ নাওখনেৰে শিৱসাগৰ জিলা অতিক্ৰমি মাজুলীলৈ বুলি ৰাওনা হয় বুমণি নামেৰেও পৰিচিত যুৱকজন। ABCD EXPLORATIONৰ উদ্যোগত এই প্ৰচেষ্টা তেওঁৰ।

দিখৌমুখতো আদৰণি প্ৰকৃতিপ্ৰেমী ধীৰাজ বিকাশ গগৈক। ধীৰাজৰ এই প্ৰচেষ্টাক আদৰণি জনায় দিখৌমুখবাসীয়ে।

লক্ষ্যণীয় যে বিগত ডেৰমাহ ধৰি পেলনীয়া প্লাষ্টিকৰ বটল সমূহ বুটলি লুইতৰ কাষৰীয়া এলেকা পৰিষ্কাৰ কৰিছিল যুৱকজনে।

NKTV Digital
Author: NKTV Digital

Popular

More like this
Related

অষ্ট্ৰেলিয়াত বসবাস কৰা প্ৰৱাসী অসমীয়াৰ সৈতে অসম বিধানসভাৰ অধ্যক্ষ ৰণজিৎ কুমাৰ দাসৰ মত-বিনিময়

ফিজিত অনুষ্ঠিত কমনৱেলথ ওমেন পাৰ্লিয়ামেণ্টেৰীয়ান ৱৰ্কশ্বপৰ ষ্টাডি ট্যুৰৰ অংশ...

আন্তঃৰাষ্ট্ৰীয় মঞ্চত উজলিল অসমীয়া ছবি ‘আদিশক্তি’, লাছ ভেগাছ ইণ্ডি এৱাৰ্ডত ‘শ্ৰেষ্ঠ ছবি’ৰ সন্মান

মুক্তিৰ পূৰ্বেই ৰাষ্ট্ৰীয় আৰু আন্তঃৰাষ্ট্ৰীয় পৰ্যায়ত অসমীয়া চলচ্চিত্ৰ জগতলৈ...

চীনত ট্ৰাম্প, জিনপিং আৰু পুটিনৰ ঐতিহাসিক বৈঠক: বিশ্ব ৰাজনীতি আৰু ইউক্ৰেইন যুদ্ধক লৈ কি আলোচনা হ’ল?

আমেৰিকাৰ ৰাষ্ট্ৰপতি ড’নাল্ড ট্ৰাম্প, চীনৰ ৰাষ্ট্ৰপতি ঝি জিনপিং আৰু...