অশ্লীল ভিডিঅ’ ভাইৰেল কৰি গ্ৰেপ্তাৰ চাহিল খান

নাবালিকাৰ অশ্লীল ভিডিঅ’ মোবাইলত আবদ্ধ কৰি পিছত সামাজিক মাধ্যমত বিয়াপাই দিয়াৰ অভিযোগত চাহিল খান নামৰ যুৱক জনক গ্ৰেপ্তাৰ আৰক্ষীৰ। চিনেমাৰ দৰে কথাবোৰ। অভিযোগ অনুসৰি এবছৰ পূৰ্বে হিন্দু যুৱকৰ নামত ইনষ্টাগ্ৰামত একাউন্ট খুলি হিন্দু নাবালিকাৰ লগত পৰিচয় হৈছিল চাহিলৰ। অনুজ দত্তৰ নামত ভুৱা একাউণ্ট খুলি নাবালিকাৰ সৈতে প্ৰেমৰ সম্পৰ্ক গঢ়ি তোলে চাহিল খানে। পৰৱৰ্তী পৰ্যায়ত ভিডিঅ’ কলৰ জৰিয়তে নাবালিকা গৰাকীৰ অশ্লীল ভিডিঅ’ ৰেকৰ্ড কৰি ভাইৰেল কৰে সামাজিক মাধ্যমত। এই তথ্য পোহৰলৈ অহাৰ পিছতে শোকত ভাগি পৰা নাবালিকাগৰাকীৰ অভিভাৱকে দাখিল কৰিছিল এজাহাৰ। গোচৰৰ ভিত্তিত চাহিল খানক গ্ৰেপ্তাৰ কৰে শিৱসাগৰ সদৰ আৰক্ষীয়ে। সদৰ থানাত ৰুজু কৰা ৩/২০২৫ নং গোচৰৰ ভিত্তিত ১৪/১৫ পকচ’ আইনৰ অধীনত গ্ৰেপ্তাৰ কৰি আদালতত হাজিৰ কৰাৰ পিছতে জে’ললৈ প্ৰেৰণ কৰে অভিযুক্ত চাহিল খানক। অন্যহাতে, অশ্লীল ভিডিঅ’ সংগ্ৰহ আৰু ভাইৰেল কৰা জঘন্য কাণ্ডত আন দুই যুৱক, এগৰাকী যুৱতী জড়িত থকাৰো অভিযোগ তুলিছে চাহিল খানে। শিৱসাগৰত এগৰাকী নাবালিকাৰ অশ্লীল ভিডিঅ’ ছবি সামাজিক মাধ্যমত ভাইৰেল কৰা ঘটনাই প্ৰকৃততে কি সূচায়। ঘটনাৰ তদন্ত অব্যাহত ৰাখিছে অসম আৰক্ষীয়ে।