অপৰিৱৰ্তিত শিলচৰৰ বান পৰিস্থিতি৷ বৰাক নৈৰ পানী কিছু পৰিমাণে কমিবলৈ ধৰিলেও শিলচৰ চহৰসহ কাছাৰৰ বান পৰিস্থিতি অপৰিৱৰ্তিত হৈ আছে৷ খোৱাপানী, খাদ্য–সামগ্ৰীৰ কাৰনে এতিয়াও হাহাকাৰ কৰি আছে ৰাইজে৷ শিলচৰ চহৰত এতিয়াও আৱদ্ধ হৈ আছে হাজাৰ হাজাৰ ৰাইজ৷ আৰ্মি, CRPF, BSFসহ এনডিআৰএফ, এছডিআৰএফে উদ্ধাৰ অভিযান অব্যাহত ৰাখিছে ৷ চহৰৰ বিলপাৰ, ৰাধামাধবৰোড, পাবলিকস্কুল ৰোড, সোনাই ৰোড, ৰাঙ্গিৰখাড়ি, হাইলাকান্দি ৰোড, ন্যাশনাল হাইওয়ে ৰোড, কনকপুৰ, মধুৰবন্দসহ কেইবাটও অঞ্চলত ভয়াবহ পৰিস্থিতিৰ সৃষ্টি হৈছে ৷ শুকুৰবাৰ নিজেই অভিযানত নামি পড়ে আৰক্ষী অধীক্ষক ৰমনদীপ কৌৰ ৷ অসংখ্য লোকক উদ্ধাৰ কৰি আনিছে ৰমনদীপ কৌৰে ৷ আনহাতে মৃতদেহ সৎকাৰ, কবৰস্থ কৰাৰ কাৰণে ৰাইজে বিচাৰি পোৱা নাই ঠাই৷
