প্ৰতি বছৰে ১০ ছেপ্টেম্বৰত বিশ্ব আ/ত্ম//হ/ত্যা প্ৰতিৰোধ দিৱস পালন কৰা হয়। চৰম সিদ্ধান্ত গ্ৰহণ প্ৰতিৰোধৰ বাবে জনসচেতনতা বৃদ্ধি কৰা, মানসিক সংকটত থকা লোকসকলক সহায় আগবঢ়োৱা আৰু জীৱনৰ প্ৰতি ইতিবাচক দৃষ্টিভংগী গঢ়ি তোলাই এই দিৱসৰ মূল উদ্দেশ্য।
বৰ্তমান সময়ত মানসিক চাপ, একাকীত্ব, পাৰিবাৰিক সমস্যা, কৰ্মক্ষেত্ৰৰ চাপ, আৰ্থিক সমস্যা আৰু বিভিন্ন সামাজিক কাৰণত বহু লোক মানসিকভাৱে ভাঙি পৰে। এনে পৰিস্থিতিত কোনো ব্যক্তিৰ আচৰণত হঠাৎ পৰিৱৰ্তন, অত্যধিক হতাশা বা নিজকে অকলশৰীয়া কৰি ৰখাৰ দৰে লক্ষণ দেখা দিলে বিষয়টো গুৰুত্বসহকাৰে লোৱা প্ৰয়োজন।
বিশেষজ্ঞসকলে সংকটত থকা ব্যক্তিৰ কথা বিচাৰ নকৰাকৈ শুনা, সহানুভূতিৰে কথা পতা আৰু প্ৰয়োজনত মানসিক স্বাস্থ্য বিশেষজ্ঞৰ সহায় লোৱা অত্যন্ত গুৰুত্বপূৰ্ণ বুলি মত প্ৰকাশ কৰে। সময়মতে পোৱা সহায়ে এটা জীৱন ৰক্ষা কৰিব পাৰে।
এই দিৱসে সমাজলৈ এক গুৰুত্বপূৰ্ণ বাৰ্তা কঢ়িয়াই আনে। কথা পাতক, সহায় বিচাৰক আৰু আনকো সহায়ৰ হাত আগবঢ়াওক। হতাশাৰ মুহূৰ্ত স্থায়ী নহয়; সহায় আৰু সমৰ্থনে পৰিস্থিতি সলনি কৰিব পাৰে।
