বিশ্বৰ আগশাৰীৰ প্ৰযুক্তি প্ৰতিষ্ঠান Apple-এ ৯ ছেপ্টেম্বৰত মুকলি কৰিলে বহু প্ৰত্যাশিত iPhone 18 Pro আৰু iPhone 18 Pro Max। নতুন প্ৰজন্মৰ iPhone-ত উন্নত কেমেৰা, শক্তিশালী প্ৰচেছৰ আৰু কৃত্ৰিম বুদ্ধিমত্তা (AI)-ভিত্তিক একাধিক নতুন সুবিধা সংযোজন কৰা হৈছে।
নতুন iPhone 18 Pro ছিৰিজত ব্যৱহাৰ কৰা হৈছে Appleৰ নতুন A20 Pro চিপ। লগতে ৪৮ মেগাপিক্সেলৰ উন্নত মূল কেমেৰা আৰু variable-aperture প্ৰযুক্তি সংযোজন কৰা হৈছে, যিয়ে কম পোহৰতো উন্নত ফটোগ্ৰাফীৰ সুবিধা প্ৰদান কৰিব বুলি কোম্পানীটোৱে প্ৰকাশ কৰিছে। Siri আৰু Apple Intelligence-তো কৰা হৈছে নতুন সংযোজন।
ভাৰতত iPhone 18 Pro-ৰ আৰম্ভণি মূল্য ১,৬৪,৯০০ টকা, আনহাতে iPhone 18 Pro Max-ৰ মূল্য ১,৭৯,৯০০ টকাৰ পৰা আৰম্ভ হৈছে। ১২ ছেপ্টেম্বৰৰ পৰা প্ৰি-অৰ্ডাৰ আৰম্ভ হ’ব আৰু ১৮ ছেপ্টেম্বৰৰ পৰা বিক্ৰী আৰম্ভ হ’ব।
উল্লেখযোগ্য যে এইবাৰ Appleৰ ছেপ্টেম্বৰৰ অনুষ্ঠানত সাধাৰণ iPhone 18 মডেলটো মুকলি কৰা হোৱা নাই। প্ৰতিবেদন অনুসৰি, বেছ মডেলটোৰ মুকলি ২০২৭ চনৰ আৰম্ভণিত হ’ব পাৰে।
ইফালে Apple-এ প্ৰথমটো foldable iPhone iPhone Duo-ও মুকলি কৰি প্ৰযুক্তি জগতত নতুন চমক সৃষ্টি কৰিছে।
