এগৰাকী মহিলাই এৰাতিৰ ভিতৰত কেনেকৈ কোটিপতি হ’ল সেই কথা জানিলে আপুনি আচৰিত হ’ব। এগৰাকীয়ে মহিলাই হঠাতে ৩০ কোটি টকাৰ এটা বিলাসী ঘৰৰ স্বত্বাধিকাৰী হৈ পৰে। কেৱল মাত্ৰ দুহাজাৰ টকাৰ বিনিময়ত। স্বাস্থ্য বিভাগৰ পৰা অৱসৰ গ্ৰহণ কৰা ৫৯ বছৰীয়া মহিলাগৰাকীয়ে আনলোকৰ ঘৰত পালক মাতৃ হিচাপে কাম কৰিছিল। মহিলাগৰাকীৰ নাম কেথেৰিন কাৰৱাডিন। ইউ.কে.-ৰ ৰাজহুৱা স্বাস্থ্য সেৱাৰ (এন.এইচ.এছ. কৰ্মী) পৰা অৱসৰ লোৱাৰ পিছত, তেওঁ এগৰাকী পালক মাতৃ হৈছিল। কেথেৰিনৰ নিজৰ পাঁচটা সন্তান আছে, কিন্তু অৰ্থনৈতিক পৰিস্থিতিৰ বাবে, তেওঁ আনৰ সন্তানৰ চোৱাচিতা কৰাৰ কাম আৰম্ভ কৰিছিল।
ডেইলী মেইলৰ প্ৰতিবেদন অনুসৰি, কেথেৰিনে তেওঁৰ স্বামী ক্ৰিছ আৰু পাঁচটা সন্তানৰ সৈতে এটা সৰু ঘৰত বাস কৰিছিল। শেহতীয়াকৈ ভেলেণ্টাইন ডে’ত, তেওঁ ২০ পাউণ্ড (ভাৰতীয় মূল্যত ২ হাজাৰ টকা)ৰ লটাৰী টিকট ক্ৰয় কৰিছিল। কেথৰিনে ভবা নাছিল যে, এনেকুৱা এটা দিন আহিব বুলি। চলিত বৰ্ষৰ এপ্ৰিল মাহৰ ১তাৰিখে কেথৰিনে ৩মিলিয়ন পাউণ্ড (ভাৰতীয় মূল্যত ৩০ কোটি টকা) মূল্যৰ এটাৰ ঘৰ লটাৰীত লাভ কৰে।
