কৰ্তব্যৰত অৱস্থাত বন‍্যহস্তীয়ে খেদি আহিল বনকৰ্মীক!

কলিয়াবৰৰ শিলঘাটত অঘটন। বন‍্যহস্তীৰ আক্ৰমণৰ বলি হ’ল বনকৰ্মী। কলিয়াবৰৰ শিলঘাট খণ্ড বন বিষয়াৰ কাৰ্য‍ালয়ৰ সমীপতে ৰবৰবাৰীত নিশা এটা বন‍্য হস্তীৰ আক্ৰমণত আহত হয় বনকৰ্মী নৱ চমুৱা। কৰ্তব্যৰত অৱস্থাত শিলঘাট-কামাখ‍্যা বনাঞ্চলৰ পৰা ওলাই অহা বন‍্য হস্তীটোৱে অতৰ্কিতে আক্ৰমণ কৰে নৱ চমুৱাক। সৌভাগ্যক্ৰমে গুৰুতৰ আঘাতৰ পৰা ৰক্ষা পোৱা নৱ চমুৱাক ততাতৈয়াকৈ জখলাবন্ধা চিকিৎসালয়ত ভৰ্তি কৰোৱা হয়।