দেওবাৰে ফিফা বিশ্বকাপ ২০২২ৰ ফাইনেল। লুচাইল ষ্টেডিয়ামত মুখামুখি হ’ব আৰ্জন্টিনা আৰু ফ্ৰান্স৷ লিয়’নেল মেছি নে কেলিয়ান এমবাপে! এইবাৰ কোনে লাভ কৰিব গল্ডেন বুট? ফিফা বিশ্বকাপ ২০২২ত গল্ডেন বুটৰ দৌৰত চামিল হৈছে দুই তাৰকা খেলুৱৈ।
আৰ্জেণ্টিনাৰ লিয়োনেল মেছিয়ে বৰ্তমানলৈকে ৫টা গল আৰু ৩টা এচিষ্টেৰে ফিফা বিশ্বকাপ ২০২২ৰ গোল্ডেন বুটৰ দৌৰত এক নম্বৰ স্থানত আছে। দ্বিতীয়তে গল্ডেন বুটৰ দাবীদাৰ হৈছে ফ্ৰান্সৰ খেলুৱৈ কেলিয়ান এমবাপে। কেলিয়েন এমবাপে বৰ্তমানলৈকে ৫টা গল আৰু ২টা এছিষ্টেৰে এই দৌৰত চামিল হৈছে।
তৃতীয় স্থানত আছে আৰ্জেণ্টিনাৰ জুলিয়ান আলভাৰেজ। বর্তমানলৈকে আলভাৰেজে ৪টা গলেৰে এই বুট লাভৰ দৌৰত চামিল হৈ আছে। আৰ্জেণ্টিনাৰ জুলিয়ান আলভাৰেজে ৪টা গল দিয়াৰ লগতে ফিফা বিশ্বকাপ ২০২২ৰ ছেমিফাইনেলত ক্ৰ’ৱেছিয়াৰ বিৰুদ্ধে ২টা গ’ল দিছিল। জুলিয়ান আলভাৰেজৰ পাছতেই আছে অলিভিয়াৰ গিৰোড৷ ফ্ৰান্সৰ অলিভিয়াই ৪টা গল দি এই দৌৰত চামিল হৈছে। ফ্ৰান্সৰ ষ্ট্ৰাইকাৰ অলিভিয়েৰ গিৰোডে ৪টা গল দিবলৈ সক্ষম হৈছে।
