অসমক নিজৰ দ্বিতীয় ঘৰ হিচাপে লোৱা আই পি এলৰ উদ্বোধনী বৰ্ষৰ চেম্পিয়ন ৰাজস্থান ৰয়েলছে দৰ্শকৰ অনুৰোধ ৰক্ষা কৰি অনলাইন টিকটৰ লগতে অফলাইন টিকটৰো ব্যৱস্থা কৰিছে৷ অসমৰ বহু দৰ্শকে অনলাইনত টিকট ক্ৰয় কৰাত অসুবিধা পোৱাৰ কথা ব্যক্ত কৰাত এতিয়া ৰাজস্থান ৰয়েলছৰ অফিচিয়েল টিকেট পাৰ্টনাৰ ডিষ্ট্ৰিক্ট বাই জ’মাটোৰ ফালৰ মহানগৰীৰ তিনিটা স্থানত ২৪ মাৰ্চৰ পৰা অহা ১০ এপ্ৰিললৈ টিকট কাউণ্টাৰ মুকলি কৰাৰ সিদ্ধান্ত লৈছে৷
সেই অনুসৰি জি এছ ৰ’ডৰ চিটী চেণ্টাৰ [দিনৰ এক বজাৰ পৰা নিশা ন বজালৈ], এ চি এ ষ্টেডিয়ামৰ কাষৰ ছাউথ পইণ্ট স্কুল [দিনৰ এঘাৰ বজাৰ পৰা আবেলি পাঁচ বজালৈ] আৰু উজান বজাৰৰ ব্ৰহ্মপূত্ৰ ৰিভাৰ ফ্ৰণ্টৰ পাঁচ নম্বৰ গেটত [দিনৰ এঘাৰ বজাৰ পৰা নিশা সাত বজালৈ] কাইলৈৰ পৰা টিকট কাউণ্টাৰ মুকলি হ’ব৷ তিনিওটা টিকট কাউণ্টাৰতে দৰ্শকে অনলাইন আৰু অফলাইন টিকট পাব৷
