শনিবাৰৰ পৰা ২০২২ বৰ্ষ। বিদায়ী বছৰটোৰ অন্তিম ক্ষণত গ্ৰাহকৰ বাবে আহিল কেইবাটাও নেতিবাচক খবৰ। নতুন বছৰটোৰ প্ৰথম দিনাৰ পৰাই ছটা পৰিৱৰ্তন হ’ব। ATMৰ পৰা ধনৰ লেনদেন আৰু নতুন বছৰত কাপোৰ-জোতা ক্ৰয় কৰা ব্যয়বহুল হ’ব।
ভাৰতীয় ৰিজাৰ্ভ বেংকে বিনামূলীয়া লেনদেনৰ পিছত নগদ ধন উলিওৱাৰ সময়ত মাচুল বৃদ্ধিত অনুমোদন জনাইছে। বেংকে এতিয়া গ্ৰাহকসকলক প্ৰতিটো লেনদেনত ২০ টকাকৈ ল’ব পাৰিব, ইয়াত কৰ অন্তৰ্ভুক্ত নহয়। ভাৰতীয় ৰিজাৰ্ভ বেংকৰ মতে বিনামূলীয়া লেনদেনৰ পিছত বেংকবোৰে গ্ৰাহকসকলক ২০ টকাৰ পৰিৱৰ্তে প্ৰতিটো লেনদেনত ২১ টকাকৈ মাচুল ল’ব পাৰিব। ইয়াত কৰ অন্তৰ্ভুক্ত নহয়। এই নতুন নিয়ম ১ জানুৱাৰীৰ পৰা কাৰ্যকৰী হ’ব।
কাপোৰ আৰু জোতা-জোতাৰ ক্ষেত্ৰত ১ জানুৱাৰীৰ পৰা ১২% GST কাৰ্যকৰী হ’ব। ভাৰত চৰকাৰে বস্ত্ৰ, ৰেডিমেড আৰু জোতাৰ ওপৰত জিএছটি ৭% বৃদ্ধি কৰিছে। ইয়াৰ লগতে অনলাইন অটো-ৰিক্সা বা কেব বুকিঙো মহঙা হব। ৫% GSTৰে অ’লা, উবেৰৰ দৰে এপ আধাৰিত কেব সেৱা প্ৰদানকাৰী প্লেটফৰ্মত বুক কৰাটো এতিয়া ব্যয়বহুল হ’ব। অৱশ্যে, অফলাইন অটো-ৰিক্সাৰ ভাড়াত কোনো পৰিৱৰ্তন নহয়।
ইণ্ডিয়া পোষ্ট পেমেণ্ট বেংক বা IPPB একাউণ্ট ধাৰকসকলে ১ জানুৱাৰীৰ পৰা নিৰ্ধাৰিত সীমাৰ বাহিৰত নগদ ধন উলিওৱা আৰু জমা কৰাৰ বাবে মাচুল পৰিশোধ কৰিব লাগিব। মৌলিক সঞ্চয় একাউণ্টৰ পৰা নগদ ধন উলিওৱা প্ৰতি মাহে ৪ বাৰহে বিনামূলীয়া হ’ব। তাৰ পিছত প্ৰতিটো লেনদেনৰ ওপৰত ০.৫০% মাচুল পৰিশোধ কৰিব লাগিব যি কমেও ২৫ টকা হ’ব। অৱশ্যে, বেছিক ছেভিং একাউণ্টত ধন জমা কৰিলে কোনো মাচুল লোৱা নহয়।
আমাজনৰ OTT প্লেটফৰ্ম প্ৰাইম ভিডিঅ’ত লাইভ ক্ৰিকেট মেচ চাবলৈ সক্ষম হ’ব। আমাজন প্ৰাইম ভিডিঅ’ই ২০২২ৰ ১ জানুৱাৰীৰ পৰা নিউজিলেণ্ড আৰু বাংলাদেশৰ মাজত এখন টেষ্ট শৃংখলাৰ সৈতে লাইভ ক্ৰিকেট ষ্ট্ৰীমিংযোগে ক্ৰীড়াক্ষেত্ৰত খোজ পেলাব।
নতুন বছৰত গাড়ী কিনিলেও ভৰিব লাগিব অধিক ধন। মাৰুতি চুজুকি, ৰেনল্ট, হোণ্ডা, টয়োটা আৰু স্কোডাকে ধৰি প্ৰায় সকলো গাড়ী কোম্পানীৰ গাড়ী ক্ৰয় কৰিবলৈ অধিক মূল্য পৰিশোধ কৰিব লাগিব। টাটা মটৰ্ছে ২০২২ৰ ১ জানুৱাৰীৰ পৰা বাণিজ্যিক বাহনৰ মূল্য ২.৫% বৃদ্ধি কৰিব।
নতুন বছৰ ২০২২-এ বহুতো পৰিৱৰ্তন আনিবলৈ গৈ আছে। এই পৰিৱৰ্তনবোৰে আপোনাৰ জীৱনতো প্ৰভাৱ পেলাব।
