উচ্চতৰ মাধ্যমিকত চৰ্চালৈ আহিছে কেইখনমান মুখ। কলা, বিজ্ঞান আৰু বাণিজ্য শাখাত প্ৰথম স্থান দখল কৰিছে তেওঁলোকে। তেওঁলোকৰ কথা শুনিলে আপুনি কব, ৱাহ কি সুন্দৰ চিন্তাধাৰা। সুন্দৰ সংস্কাৰ। তেওঁলোক প্ৰকৃততেই একো একোজন নিয়মানুৱৰ্তী শিক্ষাৰ্থী।
৪৯০ নম্বৰেৰে কলা শাখাৰ প্ৰথম সংকল্পজিৎ শইকীয়া। ৰামানুজন উচ্চতৰ মাধ্যমিক বিদ্যালয়ৰ সংকল্পজিৎ মেধাৰ প্ৰতীকৰ লগতে উৰ্বৰা চিন্তাৰ অধিকাৰী। কাকতত নিয়মীয়াকৈ লেখা-মেলা কৰে সংকল্পজিতে। অনুজসকলক উদ্দেশ্যি ম’বাইল মেনিয়াক লৈ সংকল্পজিতে ক’লে-‘ম’বাইল আমি ব্যৱহাৰ কৰিব লাগে’। ‘কিন্তু ম’বাইলে আমাক ব্যৱহাৰ কৰিবলৈ দিব নালাগে’।
