কিংবদন্তি লতা মংগেশকাৰৰ মহাপ্ৰয়াণত শোকস্তব্ধ সংগীত জগত। সকলোৱে সুঁৱৰিছে কোকিলকণ্ঠী শিল্পীগৰাকীক। লতা মংগেশকাৰৰ দেহাৱসানৰ পিছত তেওঁৰ এটি বিশেষ সাক্ষাৎকাৰ চৰ্চালৈ আহিছে। পৰজনমক বিশ্বাস কৰেনে লতা মংগেশকাৰে? শিল্পীগৰাকীক সোধা হৈছিল যদি আকৌ জন্ম লাভ কৰে তেওঁ কি হৈ জন্ম হোৱাটো বিচাৰিব? সংগীতজ্ঞ জাভেদ আখতাৰে সোধা এই প্ৰশ্নত কোকিলকণ্ঠী গায়িকাগৰাকীয়ে যি উত্তৰ দিছিল সেই উত্তৰে হতবাক কৰিব সকলোকে। হাঁহিমুখীয়া লতাজীয়ে বিষণ্ণ মনেৰে উত্তৰ দিছিল– পুনৰ জন্মলাভ কৰিলে মই লতা মংগেশকাৰ হৈ জন্ম হ’ব নিবিচাৰো। মই অন্যৰূপত জন্ম হ’ব বিচাৰিম। লতা মংগেশকাৰ হোৱাৰ পাছত মই যিমান কষ্ট লাভ কৰিছো সেই বেদনা কেৱল মইহে জানো। মৃত্যুৰ পিছত বিশেষভাৱে চৰ্চিত হৈছে লতাজী-জাভেদ আখতাৰৰ সাক্ষাৎকাৰটো। সুৰৰ দেৱী হাঁহিমুখীয়া লতা মংগেশকাৰ সুখী নাছিল নেকি? সুৰীয়া জীৱনৰ আঁৰত লুকাই আছিল নেকি বহু বেদনা!
