পুনৰ অনিশ্চয়তাত ওলমি ৰ’ল সুৰংগত আবদ্ধ শ্ৰমিকৰ জীৱন

উত্তৰাখণ্ডৰ সুৰংগত আবদ্ধক উদ্ধাৰৰ বাবে চলোৱা অভিযান ব্যাহত
তেওঁলোকক উদ্ধাৰৰ বাবে চেষ্টা চলোৱা আমেৰিকান ড্ৰিলিং মেচিনো চূৰ্ণ-বিচূৰ্ণ
সুৰংগলৈ কেইমিটাৰমান থকা অৱস্থাত ভাঙি গ’ল AUGUR নামৰ বিশেষ যন্ত্ৰ
৪১ শ্ৰমিকক উদ্ধাৰৰ বাবে এতিয়া লাগিব অধিক সময়

সুৰংগত আবদ্ধ শ্ৰমিকসকলে উদ্ধাৰৰ বাবে প্ৰহৰ গণনা কৰাৰ সময়তে হ’ল পুনৰ অঘটন। উদ্ধাৰ অভিযানত ব্যৱহাৰ কৰা আমেৰিকান ড্ৰিলিং মেচিন AUGUR এই‍বাৰ ভাঙি চূৰ্ণিকৃত হ’ল খনন চলাই থকা অৱস্থাত। মাথোন ১০ মিটাৰমান থকা অৱস্থাত শিলত লাগি ভাঙি যায় এই ড্ৰিলিং মেচিনটো। ফলত পুনৰ অনিশ্চয়তাৰ গৰ্ভত সোমাই পৰে যোৱা ১৪ দিন ধৰি আবদ্ধ হৈ থকা ৪১জন শ্ৰমিক উদ্ধাৰৰ আশা। ভাঙি পৰা মেচিনটো মেৰামতি কৰা সম্ভৱ নহয় বুলি জনাইছে আন্তৰ্জাতিক সুৰংগ বিশেষজ্ঞৰ দলে।

আবদ্ধসকলক উদ্ধাৰৰ বাবে এতিয়া NDRFএ লৈছে নতুন পন্থা
সুৰংগৰ ওপৰৰ পৰা এতিয়া পোনপটীয়াভাৱে চলিব তললৈ খনন
ইতিমধ্যে সুৰংগৰ ওপৰত স্থাপন কৰা হৈছে নতুন ড্ৰিলিং মেচিন
পাথৰ কটাৰ বাবে ইতিমধ্যে অনা হৈছে বিশেষজ্ঞ শ্ৰমিকৰ দল

আমেৰিকান ড্ৰিলিং মেচিনৰ খননৰ পিছত শ্ৰমিক আবদ্ধ এলেকালৈ মাথোন কেই মিটাৰমান বাকী থকা অৱস্থাত ৰুদ্ধ হৈছে অভিযান। এতিয়া সেই পথেদিও শিল ভাঙি খনন অব্যাহত ৰখাৰ বাবেও চিন্তা–চৰ্চা কৰিছে NDRFসহ আন উদ্ধাৰকাৰী দলে। কিন্তু আবদ্ধ শ্ৰমিকসকলক উদ্ধাৰৰ বাবে আৰু কিছু সময় অপেক্ষা কৰিব লাগিব সেয়া নিশ্চিত।