পৰিসমাপ্তি ঘটিল UPLAৰ ৮বছৰীয়া সশস্ত্ৰ সংগ্ৰামৰ। বোকাজানৰ বালিপথাৰৰ এক ভিতৰুৱা অঞ্চলত থকা সংগঠনটোৰ শিবিৰত এক সংবাদমেলযোগে এই কথা ঘোষণা কৰে UPLAৰ শীৰ্ষ নেতাসকলে। ৬টাকৈ উগ্ৰপন্থী সংগঠনেৰে হোৱা কাৰ্বি চুক্তিৰ পিছত বোকাজানত থকা UPLAৰ এই মুখ্য কাৰ্যালয়ত অনুষ্ঠিত হয় সংগঠনটোৰ এই সংবাদমেল। সংবাদমেলত উপস্থিত থাকে সভাপতি, সম্পাদক, মুখ্য সেনাধ্যক্ষ, বৈদেশিক সচিবকে ধৰি UPLAৰ আন শাৰ্ষ নেতাসকল। যোৱা ৪ ছেপ্টেম্বৰত কাৰ্বি আংলঙৰ ৬টা উগ্ৰপন্থী সংগঠনে কেন্দ্ৰীয় আৰু ৰাজ্য চৰকাৰে দিল্লীত এক শান্তি চুক্তিত স্বাক্ষৰ কৰি মূল সূঁতিলৈ উভতি আহে। কাৰ্বি আংলঙক সুকীয়া স্বায়ত্ব শাসিত ৰাজ্যৰ লগতে আন কেইবাটাও দাবীক লৈ ২০১৩ৰ ২ ফেব্ৰুৱাৰীত কাৰ্বি পাহাৰত আত্মপ্ৰকাশ ঘটিছিল UPLAৰ।
