দুটাকৈ নতুন ক’ভিড ভেকচিনলৈ অনুমোদন জনাইছে কেন্দ্ৰীয় স্বাস্থ্য মন্ত্ৰালয়ে। মঙলবাৰে অনুমোদন লাভ কৰে বায়’লজিকেল Eৰ ক’ৰ্বিভেক্স আৰু ছিৰাম ইনষ্টিটিউটৰ ক’ভ’ভেক্সে। ইয়াৰ লগতে কেন্দ্ৰীয় স্বাস্থ্য মন্ত্ৰালয়ে জৰুৰীভাৱে ব্যৱহাৰ কৰাৰ ক্ষেত্ৰত এণ্টি ভাইৰেল ড্ৰাগছ মলনুপিৰাভিৰলৈ অনুমোদন জনাইছে।
ক’ৰ্বিভেক্স হ’ল দেশৰ প্ৰথমটো RBD প্ৰটিন ভেকচিন। এই ভেকচিন প্ৰস্তুত কৰিছে হায়দৰাবাদৰ বায়’লজিকেল-ই নামৰ প্ৰতিষ্ঠানটোৱে। আনহাতে পুনেৰ ছিৰাম ইনষ্টিটিউটে প্ৰস্তুত কৰিছে ক’ভ’ভেক্স। ইয়াৰ উপৰি জৰুৰী সময়ত প্ৰাপ্তবয়স্ক ৰোগীৰ ব্যৱহাৰৰ বাবে মলনুপিৰাভিৰ এণ্টি ভাইৰেল ড্ৰাগছ উৎপাদন কৰিব ১৩টাকৈ কোম্পানীয়ে।
