ৰাজ্যত অব্যাহত গাড়ী চোৰৰ সন্ত্ৰাস। অসম আৰক্ষীৰ গাড়ী চোৰৰ বিৰুদ্ধে চলোৱা অভিযানৰ মাজতে আৰক্ষী আৰু অস্ত্ৰধাৰী গাড়ী চোৰৰ মাজত গুলীয়াগুলী। সোণাপুৰ আৰক্ষী থানাৰ অন্তৰ্গত মৰগদোলাত পুৱাৰ ভাগত হোৱা গুলীয়াগুলীৰ ঘটনাত নিহত দুই কুখ্যাত গাড়ী চোৰ কাছাৰৰ ছাইদুল আলম লস্কৰ আৰু মণিপুৰ ইম্ফলৰ বাবুল সিং। প্ৰাপ্ত তথ্য অনুসৰি গুৱাহাটীৰ পাণবজাৰ থানাৰ সমীপৰ পৰা এখন টাটা এচি গাড়ী চুৰি কৰাৰ সময়তে পাণবজাৰ আৰক্ষীয়ে খেদি আহে চোৰৰ দলটোক। চোৰৰ দলটোৱে চুৰি গাড়ীসহ সোণাপুৰৰ মৰগদোলাৰে মেঘালয়ৰ দিশে পলাবলৈ চেষ্টা কৰাৰ সময়তে গুলীয়াগুলীত মৰগদোলাত নাকা চেকিঙত দুৰ্ঘটনাগ্ৰস্ত হয় উক্ত বাহনখন। ঘটনাস্থলীৰ পৰা পলায়ন অন্য এটা চোৰৰ। ঘটনাস্থলীত অভিযান চলাই আৰক্ষীয়ে জব্দ কৰে দুটাকৈ পিষ্টল, মোবাইল ফোনৰ লগতে গাড়ী চুৰি কাৰ্য্যত ব্যৱহৃত সা-সৰঞ্জাম। সম্প্ৰতি নিহত চোৰ দুটাৰ মৃতদেহ ৰখা হৈছে সোণাপুৰ জিলা চিকিৎসালয়ত। আৰক্ষীৰ তদন্ত সম্পূৰ্ণ হোৱাৰ পাছতহে পোহৰলৈ আহিব ঘটনাৰ সঠিক তথ্য।
