তুৰস্কত শোকাৱহ ঘটনা সংঘটিত হৈছে। বহুমহলীয়া অট্টালিকাত অগ্নিকাণ্ডৰ সূত্ৰপাত ঘটি ৬৬জন লোকৰ মৃত্যু ঘটিছে। তুৰস্কৰ বলু প্ৰদেশৰ কাৰ্টালকায়া স্কাই ৰিজৰ্টত মঙলবাৰে সংঘটিত অগ্নিকাণ্ডত ৬৬ জন লোকৰ মৃত্যু হয়। জুইত আতংকিত হৈ বহু লোকে ১১নং মহলাৰ পৰা জপিওৱৰ চেষ্টা। ইয়াৰ বাবে বহু লোক আহত হয়। সংবাদ সংস্থা ৰয়টাৰৰ মতে, অগ্নিকাণ্ড সংঘটিত হোৱাৰ পিছতে হুলস্থুলীয়া পৰিৱেশৰ সৃষ্টি হয় আৰু ইয়াৰ ফলত শতাধিক লোক আহত হৈছে।
দেশখনৰ স্থানীয় বিষয়াসকলৰ মতে তুৰস্কৰ স্থানীয় সময় অনুসৰি পুৱা প্ৰায় ৩.৩০ বজাত (ভাৰতীয় সময় অনুসৰি মঙলবাৰে ৬ বজাত) হোটেলখনত অগ্নিকাণ্ড সংঘটিত হয়। ১১ মহলীয়া এটা অট্টালিকাটো হঠাতে জুইৰে আগুৰি ধৰে। অগ্নিকাণ্ডৰ কাৰণ সন্দৰ্ভত অনুসন্ধান আৰম্ভ কৰিছে। কাৰ্টালকায়া স্কাই ৰিজৰ্টখন এটা ধুনীয়া শিলৰ ওপৰত অৱস্থিত। ওখ স্থানত অৱস্থিত হোৱা বাবে অগ্নিনিৰ্বাপক বাহিনীৰ বাহনসমূহ উপস্থিত হোৱাত যথেষ্ট অসুবিধাৰ সন্মুখীন হোৱাৰ ফলত উদ্ধাৰকাৰ্যত পলম হয়।
