সুৰাৰ ৰাগীত মাতাল ট্ৰাক চালকৰ বাবেই দেৱালীৰ দিনাই গোলাঘাটৰ লুৰুকীহাটত বাগৰি পৰিল LPG কঢ়িয়াই অনা ট্ৰাক। দুৰ্ঘটনা সংঘটিত হোৱাৰ বহু পৰৰ পাছতো নিজৰেই ট্ৰাকৰ দুৰ্ঘটনাৰ বিষয়ে গমেই নাপালে সুৰামত্ত চালকে। সোমবাৰে পুৱাৰে পৰাই মুষলধাৰ বৰষুণ দি থকাৰ ফলতে সন্ধিয়া নিয়ন্ত্ৰণ হেৰুৱাই পথৰ দাঁতিত বাগৰি পৰিল AS 07K 7450 নম্বৰৰ LPG কঢ়িওৱা ট্ৰাকখন। সুৰামত্ত চালকজনৰ অসাৱধানতাৰ বাবেই সংঘটিত হ’ল দুৰ্ঘটনাটো। ৰাইজে আহি মাতি থকাৰ পাছতো সঁহাৰি জনাব নোৱাৰিলে মাতাল চালকে। অৱশেষত যান-বাহন আৰক্ষী উপস্থিত হৈ ৰাইজৰ সহযোগত চোঁচৰাই গাড়ীৰ ভিতৰৰ পৰা টানি আনে সামান্যভাৱে আঘাতপ্ৰাপ্ত চালকজনক। নুমলীগড়ৰ পৰা গোলাঘাট অভিমুখী আছিল ট্ৰাকখন।
