তীব্ৰবেগী ডাম্পাৰক নাকী লগোৱাত ব্যৰ্থ প্ৰশাসন! ডাম্পাৰে চোঁচৰাই নিয়াত কৰুণ মৃ্ত্যু কিশোৰীৰ

অসমত যেন আতংকৰ আন এটা নাম হৈ পৰিছে ডাম্পাৰ। তীব্ৰবেগী ডাম্পাৰৰ খুন্দাত দৈনিক প্ৰাণ গৈছে ইজনৰ পিছত সিজনকৈ লোকৰ। হেৰাই গৈছে বহু উঠি অহা প্ৰতিভা, সম্ভাৱনা। কিন্তু লক্ষ্যণীয়ভাৱে তাৰ পিছতো কোনো ব্যৱস্থা গ্ৰহণ কৰা নাই প্ৰশাসনে। এক কথাত ক’বলৈ গ’লে ডাম্পাৰক নাকী লগোৱাত লাজ লগাকৈ ব্যৰ্থ হৈছে প্ৰশাসন। যাৰ বাবে সোমবাৰে যোৰহাটৰ পানীচকুৱাৰ ৩৭নং ৰাষ্ট্ৰীয় ঘাইপথত ঘটিল ভয়ংকৰ দুৰ্ঘটনা। চকাৰ তলত সোমাই যোৱা এগৰাকী কিশোৰীক বহুদূৰলৈ চোঁচৰাই নিয়ে ডাম্পাৰে। দুৰ্ঘটনাত থিতাতে মৃত্যক সাৱটি লয় মণিকা দাস নামৰ ১২বছৰীয়া কিশোৰীগৰাকীয়ে। ঘটনাৰ পিছত দুৰ্ঘটনা সংঘটিত কৰা ডাম্পাৰখন জব্দ কৰে আৰক্ষীয়ে। কিন্তু প্ৰশ্ন হয়, কেতিয়া মৃত্যুদূতৰূপী ডাম্পাৰক নিয়ন্ত্ৰণ কৰিব প্ৰশাসনে? আৰু কিমানৰ বুকু শুদা, কিমান মাতৃহাৰা-পিতৃহাৰা-সন্তানহাৰা-স্বামীহাৰা হ’লে গা লৰিব পৰিবহন বিভাগৰ? সেয়া পৰৱৰ্তী সময়তহে লক্ষ্যণীয় হ’ব।

NKTV Digital
Author: NKTV Digital

Popular

More like this
Related

ইজৰাইলত নতুন চৰকাৰ গঠনৰ তৎপৰতা, নেতানিয়াহুৰ লিকুড পাৰ্টিক আলোচনালৈ আমন্ত্ৰণ গাডি আইজেনকটৰ

ইজৰাইলত নতুন চৰকাৰ গঠনৰ প্ৰক্ৰিয়াক লৈ ৰাজনৈতিক তৎপৰতা বৃদ্ধি...

গুজৰাটৰ কচ্ছত ভয়ংকৰ পথ দুৰ্ঘটনা, একেটা পৰিয়ালৰ তিনি শিশুসহ ৭জনৰ মৃত্যু

গুজৰাটৰ কচ্ছ জিলাত সংঘটিত এক ভয়ংকৰ পথ দুৰ্ঘটনাত তিনিটা...

অপাৰেচন সিন্দূৰৰ সময়ত পাকিস্তানক চীনৰ সমৰ্থন,ভাৰতৰ উত্থান ৰোধৰ কৌশল চীনৰ : আমেৰিকান কমিটী

ভাৰতৰ ক্ৰমবৰ্ধমান শক্তি আৰু আঞ্চলিক প্ৰভাৱ সীমিত কৰাৰ লক্ষ্যৰে...