কংক্ৰিটৰ এই পৃথিৱীৰ মাজত মানুহৰ মনবোৰো কংক্ৰিটৰ দৰে হৈ পৰিছে নেকি? নোহোৱা হৈছে নেকি মানৱতা? শেহতীয়াকৈ বোকাখাতত সংঘটিত হোৱা এক ঘটনাই উত্থাপন কৰিছে এনে কেতবোৰ প্ৰশ্নৰে। কোনো পাষাণ পিতৃ-মাতৃয়ে মোনাৰ ভিতৰত সোমোৱাই পেলাই থৈ গ’ল দেখিলেই মৰমলগা এটি দেৱশিশুক। বোকাখাতৰ গড়মূৰ গাঁৱত সংঘটিত হৈছে এই ঘটনা। মোনাটো পৰিত্যক্ত অৱস্থাত প্ৰত্যক্ষ কৰিছিল স্থানীয় ৰাইজে। পৰৱৰ্তী সময়ত পোহৰলৈ আহে মোনাটোত এটি নৱজাতক থকাৰ কথা। ৰাইজৰ তৎপৰতাত চিকিৎসাললৈ প্ৰেৰণ কৰা হয় শিশুটিক। নিজৰ কুকৰ্ম লুকুৱাবলৈকে কোনো লোকে এনে গৰ্হিত কাণ্ড সংঘটিত কৰাৰ সন্দেহ কৰিছে ৰাইজে।
