আৰ্থিক দৈন্যতাকো হেঙাৰ হ’বলৈ নিদি সপোনক দিঠক কৰিবলৈ কৰি গৈছিল হাজিৰা। কোনে জানিছিল এনেকৈয়ে যে শেষ হৈ যাব সকলো।
গোৰেশ্বৰৰ বটীয়ামাৰীত শনিবাৰে বিয়লি সংঘটিত হয় এক শোকাৱহ ঘটনা। বিদ্যুৎস্পৃষ্ট হৈ মৃত্যু ২১ বছৰীয়া যুৱকৰ। পকী মিস্ত্ৰিৰ সৈতে দিন হাজিৰা কৰিছিল যুৱকজনে। কাম কৰি থকা অৱস্থাত বৈদ্যুতিক তাঁৰত লাগি মৃত্যু যুৱকজনৰ। মৃত যুৱকজন গোৰেশ্বৰ ৰংমহল নাথচুবাৰ ৰাহুল নাথ। গোৰেশ্বৰ মহাবিদ্যালয়ৰ স্নাতক বিজ্ঞান শাখাৰ ছাত্ৰ আছিল ৰাহুল। পৰৱৰ্তী সময়ত স্থানীয় লোকে হাস্পতাললৈ নিয়ে যদিও মৃত ঘোষণা কৰে যুৱকজনক। মেধাৱী যুৱকজনৰ অকাল বিয়োগত অঞ্চলটোত শোকোৰ ছাঁ।
